成兩星期冇打日記喇～
我由呢個１１月２７號開始病．．
一病就病到１２月２號．．哈
差唔多一星期．．不過竟然都係輕得兩磅．．勁！
１２月１號個日我都有返學．．．
不過個人就好唔精神咁啦．．．
１２月２號見廚房堂．．．
我冇理由要帶住口罩煮野食架．．
咁所以我就決定唔返學喇．．
ｔｈｅｎ我就去左唱ｋ喇．．．哈哈
１２月３號都冇咩特別事既．．
放學就返屋企ｌｕ
１２月４號．．好乖啊
我係屋企執屋．．執左成日．．
之後就做ｐｒｏｊｅｃｔ
成份野未做過．．．要星期一交．．
盡我最大能力亂做．．．
星期日．．因為我未搞掂ｄ功課．．
ｓｏ冇同到魚雪佢地去去唱ｋ．．ｓｏｒ．．
到夜晚．．ｄ野搞掂晒．．
我就同文出左旺角行街．．．．
不過唔知點解我個人好冇ｍｏｏｄ．
玩殘阿文．．唔知自己係咪變態呢．．
迫阿文食完呢樣食個樣．．我竟然覺得開心返．．
奇怪的人～～哈哈
１２月６號測英文ｏｒａｌ．．
我講中文多過英文．．咁都合格．．勁！
之後放學阿文黎左接我．．佢黎同我去買鞋．．
點知好搞笑囉．．我俾人呃．．
個ｓａｌｅｓ明明冇７號半．．就將對８號鞋加工．．
當７號半賣俾我．．．好彩阿文知．．
之後阿文返去個間野到踢爆佢間野呃人．．
咁搞到個ｓａｌｅｓ訂個對俾我．．
不過發現自己真係好蠢．．
成日買鞋都俾人呃．．哈．．好彩身邊ｄ人識ｊｅ．．
１２月７號我好早放學．．上一堂咋．．
上堂個陣我終於知道點解ｓｔａｎｌｅｙ唔俾我返工．．
問題真係關我樣衰事同肥事．．哈．．
冇得怪人啦．．天生既．．
之後就同阿芷行沙田同埋探佢麻麻．．
我同芷食完野就去禾“斜”探佢麻麻～
佢麻麻都好好人啊．．坐左一陣佢同麻麻傾計．．
４５分鐘左右佢ｄ表弟返黎．．
我教佢３年班個表弟做功課．．．
搞笑到死．．個靚仔好唔定．．做做下又玩埋ｄ危險動作．．
仲好串．．哈．．而家ｄ小朋友真係難教．．
到差唔多６點先走．．我約左阿文＆佢家姐一齊食壽司
不過食壽司之前我又陪左阿芷去食車仔麵．．．
呢日同阿芷傾左好多野．．傾左好多心事．．
芷．．大家一齊樂觀ｄ面對啦！！
之後見到阿文同佢家姐．．
我發覺我好似精神病咁．．想喊又想笑咁．．
都唔知自己做乜．．唉．．．
１２月８號．．冇咩特別．．
係堂普通話ｍｉｓｓ病左．．ｓｏ唔駛上．．
早知唔返學．．－．－
１２月９號．．要出餐．．．
一切都好順利丫．．我呢度幫下．．個度幫下．．
好鬼得閒．．哈．．之後文仲黎接我食宵夜添．．
１２月１０號．．返ａｃｃｏｕｎｔ．．
勁早．．好眼訓．．之後我地班１３人一齊去食放題．．
勁飽．．之後上堂又係好無聊咁啦．．．
放左學因為我要等阿文．．
所以去左自修室溫書．．．不過溫左半個鐘．．
我又訓左半個鐘．．．哈哈．．．
之後文黎左我地去左西九龍踩冰．．
我未玩過．．唔識玩．．阿文拖住我行．．．
勁驚跌呀我．．好彩玩左個半鐘都冇仆低．．勁呢！
之後去鞋鋪拎返對鞋．．
我都係覺得對鞋唔係好岩咁．．
不過算啦．．著到就費事煩．．
之後行左一陣街文就送我返屋企ｌｕ～～～
１２月１１號．．原先有工返架．．
不過因為冇啦啦ｃｕｔ人．．所以我就同左阿文去街
本身諗住同文入元朗整間屋．．等佢ｄａｄｄｙ住．．
點知我地上到去佢ｄａｄｄｙ已經到左．．
哈．變左唔駛執．．我地係個度睇史力加．．
睇完之後我地就出元朗行街．．
行完街街就返屋企ｌｕ～～
不過今日都幾搞笑．．
因為聽日唔夠人返工．．
所以阿洋打電話搵我．．點知我電話收唔到．．
佢搞笑到打去我屋企同我老豆講．．
哈．．我老豆仲問我做咩有工唔返．．
鬼咩．．約左成班ｃｔ．．冇理由放人飛機架．．
況且仲咁耐冇見添．．所以一定要出現既．．
希望黎緊多ｄ工返．．搵多ｄ錢駛啦！！哈
ｐ．ｓ．．係度都多謝我病關心我既朋友仔啊～！！～
收到好多問候啊～ｔｈｘ～
當然要多謝我男友同麻麻既照顧啦～
我由病開始．．文差唔多日日都陪我．．麻麻又煲粥我食～
感動呢．．哈哈
霞姐～ｔｈａｎｋｓ啦～收到晒！！ｆｄ ４ｅｖｅｒ！
文章定位：
