星期五個日返早．．成１０點半．．
勁難頂．．之後我成１０點９先入課室．．
不過課室都冇咩人丫．．
落堂同班同學去左食日本野．．
之後中途佢地傾開佢地星期六返份工好正．．
但我冇份返架喇．．大君仲要同我講．．
個個都知有呢件事．．做咩你唔知架？
我咪話因為有人唔俾我返囉．．所以我而家好嬲個果人．．
食完野．．阿洋同我講叫我唔好嬲ｓｔａｎｌｅｙ．．
話佢有難言之忍．．聽完我更炆．．
佢既然唔俾得工我返既話．．咪同我講囉．．．
做咩我問佢有冇工返．．
佢要視而不見．．聽而不聞丫！！！
個種感覺真係好難受．．全部人都知既野．．
得我一個唔知．．仲要唔係只係ｃ班既事．．
係成個ｃｏｕｒｓｅ既人都知．．
係得我唔知！！！咁你諗下個果俾人忽略幾難受．．
好似自己唔係呢班．．呢個ｃｏｕｒｓｅ既人咁．．
講真．．我唔係在意份工．．
我係在意佢既態度．．點解要咁對我．．
好，，既然有難言之忍．．都俾我知我衰ｄ咩丫．．
我諗返我返文化中心個幾次．都冇野做錯丫．．
個分區經理仲同個長工講讚我做得好．．
仲問我做咩成日唔返工．．我真係唔知衰ｄ咩囉．．
可能真係學阿洋話齋．．衰樣衰啦．．．．
不過叫我唔好怪佢．．我諗我暫時都做唔到．．
因為我真係覺得佢好過份．．．
之後夜晚我返工（太和）．．
好耐冇返過．．．覺得有ｄ唔慣．．
而同我拍擋個阿姐見到我第一眼已經好唔鐘意我咁．．
係咁同其他人講我．．我唔識問佢．．佢叫我唔好咁多野講．．
之後做野．．佢同我之前拍ｄ人都唔同做法既．．．
係咁話我乜都唔識．．．
大佬呀．．你唔講我點知你要我做乜呀．．
冇啦啦俾ｄ野我．．又唔講做ｄ咩．．
之後同佢講冇ｔｒａｙ．．佢話我冇乜鬼野“吹”呀！
冇文化真係冇文化．．做呢行都唔知咩係ｔｒａｙ．．
激死．．做咁耐俾佢話足咁耐．．
之後仲拎重野個陣整親條頸．．．
返到屋企．．喉嚨愈黎愈痛．．吞口水都痛．．
之前幾日其實已經覺得痛．．不過冇理到．．
點知夜晚我搵電筒照黎睇下．．
成個喉嚨爛晒．．即刻同老豆講，．．．
老豆俾左杯ｓａｌｔ水我飲．．又俾ｄ大陸藥我食．．
到凌晨同文講完電話．．ｆｅｅｌ到全身好慶．．
又頭痛．．又想嘔咁．．覺得自己有ｄ發燒．．
到星期六．．起身落鋪頭諗住食ｄ野．．
點知我真係食唔到野．．因為好痛．．吞唔到野．．仲加埋生緊智慧牙..
諗住睇私家醫生．．醫生又休息．．之後老豆同我去睇急証．．
睇醫生先知我扁桃線發炎．．發燒．．咳．．發炎個位仲有嚨．．
好恐怖．醫生要我連續食３日抗生素．．仲有一大堆藥食．．
好辛苦囉．．到夜晚．．又發冷．．又發熱．．
到凌晨又嘔．．辛苦得好緊要．．
星期日一早起身食藥．．
連藥都嘔埋．．．到晏晝就好返好多．．
５點左右文上左黎屋企睇我．．
不過因為我食左藥好散．．個人呆呆滯滯咁．．
之後佢係廳睇返我細個ｄ帶．．
我入房訓．．佢係我房上網．．一路上網一路拖住我隻手等我訓覺．．
哈．．突然間覺得好ｓｗｅｅｔ．．哈哈．．．
訓醒精神都好ｄ．．
之後佢同我同麻麻係樓下食飯．．
雖然我好肚餓．．但又真係冇乜胃口．．
其實係因為我唔想吞野．．哈
唔知幾時我先可以好返晒呢．．．
有印象以黎..今次都算病得勁咯～
文章定位：
