對不起→我愛你＠我是幸福的｜PChome Online 個人新聞台

2003-05-28 19:47:09| 人氣115| 回應0 | 上一篇 | 下一篇

對不起→我愛你

推薦 0 收藏 0 轉貼0 訂閱站台

我今年就黎17歲啦~唸返起過去十幾年既日子~我經歷左唔少~但係我認為我既人生都冇乜挫折~最起碼我從來都唔需要為三餐擔憂~我過著既係「衣來抻手~飯來張口」既日子~我都算係幾幸福~我媽媽生我有眼耳口鼻~有手有腳~總之唔係畸形啦~我仲有機會0係澳門名校─培正到讀書~仲有一大班好朋友~我仲應該奢求d咩呢???我仲應該有咩唔開心呢???

講真~我好滿足我而家既生活~無憂無慮咁~又冇咩病痛~但係我就係嫌自己冇受過苦~好多野都唔識得珍惜~我係一個好任性既女仔~的確~我真係wor~可能就係因為由細到大比人寵慣哂啦~好多野都以為自己應該有既~應該得到既~但係而家我知道啦…….並唔係咁架~冇野係一定0係你身邊架~如果你唔識得珍惜佢~佢就會離開~到0個時……後悔……都已經太遲啦……

我有成差唔多4日冇睬過我媽媽~因為佢瞞住我賣左我個鋼琴~我為左呢件事好唔開心~好down~佢從來都冇提過話要賣左個琴架~半年前到啦~我因為成績唔好~所以暫停左學琴~估唔到半年後既今日~佢居然先斬後奏咁賣左我個琴~我好嬲佢呀~佢點可以咁做架……個琴雖然係佢買既~但係此終都係我既野~佢點可以唔同我傾下就私自賣左佢架~我好嬲我媽媽~亦都好唔捨得個琴~我都知自己好唔珍惜個琴~我以後佢永遠都會0係到等我~所以……我理過個琴既感受~冇學琴呢半年~我幾乎彈都冇彈過佢~我知道佢都好嬲我~因為我唔識得珍惜佢~要佢等了又等~鋼琴係要比人彈先有價值架~如果冇人彈既話~呢座鋼琴就只會係一件普通既裝飾品~失去左佢本身既意義~我咁唔珍惜佢~又令佢失去左佢自己~我真係一個好可惡既主人~呢一刻我都好討厭我自己~其實我又有咩資格去嬲我媽媽~我又有咩資格做佢既主人呢???我又要咩資格夾硬留佢0係自己身邊呢???

「對唔住呀~但願你可以搵到一個好主人啦~搵到一個懂得珍惜你~可以將你既所長發揮到最好既主人~」

我要檢舉

台長：霜

您可能對以下文章有興趣

我不同

3月8日....零晨.......

小明

是嗎？對吧？

人氣(115) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

回應(0)