24h購物| | PChome| 登入
2002-07-15 17:35:17| 人氣148| 回應0 | 上一篇 | 下一篇

很想打電話給你~

推薦 0 收藏 0 轉貼0 訂閱站台

我自問係一個幾要面ge女仔~每次嗌交~冇論係我錯你錯......我都唔會係首先道歉0個個~咁唔代表我唔肯承認自己ge錯誤~而係我覺得.....唔知點開口~我好驚自己ge道歉會糟到你ge拒絕~因為我害怕失敗~害怕被拒絕~害怕受到傷害~

其實0係每一個同你嗌完交之後~我個心都會忐忑不安~我好想打電話比你~可能係自尊心作祟啦~我一次又一次提起聽筒~就係冇勇氣按最後一個電話號碼~老實講~我好憎自己咁樣~我喜歡做佔上風ge 0個一個~好多野都好似冇乜所謂咁~表面上ge開心......又可以遮蓋幾多心入面ge唔開心呢????

0係同你嗌交ge時候~我多數會固意唔放好個電話~令別人打唔入~因為我驚你真係唔打黎哄返我~電話唔通......可以安慰我---"你有打過黎~只係唔通之嘛" 就係咁~係咪好蠢呀???我都唔算係一個坦率ge人~收埋自己會令我好過一d~因為至少我唔需要向任何人交代我ge一切~我輕鬆唔小~打一個電話ja.....可以有好多內心交錯ge想法~通常0係呢d唔知點做好ge時候~我都會坐低睇書~咁樣我個人會冷靜d~唸野都清楚d~冇幾耐.....之前嬲你ge感覺~都消失得7788~然後又怨自己冇給好電話~要是你真係打唔通比我......咁點算~你會唔會真係唔搵我架????女人......(唔係~我應該係女仔~)係咪都同我一樣咁傻......咁犯賤.....架呢???

又有時覺得.....打一個電話ja~有幾難ja~又或者唔應該比時間自己去唸.....打唔打好~而係"想做就去做"(我ge座右銘黎架~)但係.....又有幾多次做到呢???好驚打比一個嬲緊自己ge人~因為如果我打第一次比你~你拒絕左我ge道歉.....咁我就肯定自己冇勇氣打第二次比你lu~然後......到你唔嬲ge時候~我又唔敢打去比你~難道我地之間就咁樣完啦咩???點可以呢!!!或者我應該練大膽d~厚面皮d啦~咁樣....我就可以死纏難打咁要你原諒我~雖然咁樣......好似有點兒......."那個"~但係~我點都唔可以就咁睇住一段感情完結~唔單止係愛情~仲有友情~親情~

俗語唔係話過"只要有恆心~鐵柱磨成針"咩???只要keep住去做~我唔信有野係解決唔到ge~um.....你有冇同人嗌交呀???如果可以就主動d搵返佢啦~唔好比佢就咁完結呀~就咁就玩完~你甘心咩???邊個錯....錯乜野.....都要講得清清楚楚~一個犯人定罪之前都會去法院打官司啦~係咪????下一次.....我地嗌交~我一定會打電話比你~ ^_^

我要檢舉
台長： 霜

您可能對以下文章有興趣

人氣(148) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文