夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

有好多野，都係逐樣慢慢先了解清楚。

先講新娘試妝。

呢樣野 ． ． ．我記得7年之前係件好簡單既事。阿妹都只係提早一日去搵化妝師，到正日戈日佢好早梨到我地屋企，再求其幫我執左少少就出門，過程都沒有跟住我地補妝。

不過就影左張幾有紀念價值既相，睇番都想笑XDDD

而家d人要求高左，行業競爭又大左，變得比以前複雜左． ． ．原來要提早1年booking不單止，仲有呀咁多個化妝師點知搵邊個？原來有樣野叫做試妝，試下鍾唔鍾意個化妝師既手勢，同個化妝師夾唔夾 ． ．等等。講真，夾唔夾呢樣野真係好重要，台灣有個專有名詞稱呼化妝師做 "新娘秘書"(新秘)，我地呢邊叫MUA。

試一個妝要差不多兩個鐘，由分析皮膚到上妝到髮型設計，當然唔係免費，一般都要收番幾百蚊添。如果效果滿意，即刻開單confirm就唔駛俾。聽講身邊有d朋友都試左好幾個，換來換去，在確實人手之前已無端端先付左千幾蚊試妝。既然係咁，我不如一搵就搵個最好，公價都要3000，我覺得4000幾可以搵到個top既算幾合理。

同事既朋友介紹左e個俾我。個世界幾細． ． ．傾開計先知我個新娘秘書同我都係99-00屆，所以中間仲有其他共同朋友。佢好興奮咁問我，到時係咪會請番佢地，haha，我諗唔會啦，因為一來我只打算最多擺十二圍，小小規模，二來同其他人並不熟(自中學畢業都冇再見過面)，炸人好似唔係幾好～

今日講到呢度先。出去接男朋友收工。