夜空中的六等星 天空中星星的亮度，是有分等級的。最耀眼的是一等星，然後依次為二等星，三等星．．．六等星是人類肉眼剛剛可以見得到的亮度。 我就像天邊，距離地球最遙遠的一顆小星星，在不為人知的角落裡，靜靜地寫下自己的心事。 謝謝你的到訪，使我知道在茫茫人海中，有著關心自己的朋友。

22愛的鼓勵 0訂閱站台

正清剛過了一天，天空依然蔚藍，掃墓的人群卻已經退去。男友的起心肝話不如去拜下佢婆婆，咁我爺爺都係葬在同一個墓園，所以簡單地買左一束香，兩個人便一齊走左入望廈墳場。如果唔係跟住佢行，我都唔知呢度原來有兩層，而且佢戈邊戈個位仲要轉一個彎在後面． ． ．

正常男友努力咁燃點緊d香烟既時候，我留意到對面有一個三位先人合用的骨灰櫃。我首先見到既係個天真無邪BB女既相，而佢既父母都不到四十歲． ． ．從他們同一天離世的日子看來，我的直覺是，這家人遭遇了一場不測的意外。

突然之間我感到人生有一種好欷歔的感覺． ． ．

男友轉身離開時，我同佢講左我見到既野。佢好似即刻明我講咩咁，佢話所以佢0係英國戈時，d家人，尤其係華人都好諱忌呢樣野，會分開搭唔同既班機返梨． ． ．

有人說，舊照片留住既係回憶。但相信仍然在生的人(應該是細佬或阿妹，因為個碑上寫著的是先姊1歲，先父40歲，先母36歲)，望住這些他/她根本沒有任何記憶的照片，又會想起些甚麼？