24h購物| | PChome| 登入
2005-12-03 18:06:06| 人氣135| 回應0 | 上一篇 | 下一篇

政治遊戲

推薦 0 收藏 0 轉貼0 訂閱站台

近日對於政改
普選時間表
以至明天的大遊行
新聞真的天天新款

「民主」派議員表明立場要時間表
政府官員就只懂說方案唔通過就即係原地踏步

大小官員都紛紛出來說自己的睇法
亦都各自想出些不倫不類的比喻
當然以比喻為打麻雀的那個最令人難忘
自問不才....真的不懂批評這個比喻...

到早兩天連曾特首都要出聲了
作為特首，他那番言論是否有點失策？
我欣賞他作風強硬，
以及想站出來同市民交代他的想法....

但為何言論間....
他會有些單單打打的言詞？
我唔知有冇誤會
但我的感覺就是他想說
如果方案被否決就會原地踏步
而邊個投反對票的就會係千古罪人......

作為一個高度自治的民主社會的首長.....
是不是適合說這種有令投票者感受壓力的主觀說話呢？

我不懂政治
亦不會分辨民主派的人有沒有別的意圖
更不知道份政改方案究竟好還是壞

但卻認為他們都不是一個好政客
民主派已變得有點為反而反....可悲
但為官的又不懂做官....
要人投讚成票應從方案的好處著手推銷
而唔係一個二個企出來都係話
「通過唔到就會原地踏步」

咁廣東話o的咁講就係
「宜家係得這條路你行啦，
佢可能唔係最快去到目的地的路，
甚至唔知去唔去到目的地....
但係呢，你反對左的話.....
咁就大家都企係度.....
唔知幾時先再俾你行...
嗱，唔係我唔俾大家行呀.....
係有o的人想投票唔俾大家行咋....」

如果做人可以係咁都幾好....
我可對o的客講....
「張海報的設計係咁啦
可能唔係最好的設計...
但係你現在唔通過呢
就趕唔切拿去印....
之後唔知幾時先俾到個完美的設計你....
嗱！唔係我趕唔到死期呀....
係你唔通過唔俾我拿去印咋.....」

莫非咁大個政府，咁多幕僚....
真係冇人識幫手諗下咩叫說話技巧？.....
定係這個世界的人就好似o的客咁衰.....
真係要「焗」先得？....

百思不得其解....

我要檢舉
台長： 森
人氣(135) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然) | 個人分類: 社會時事 |
此分類下一篇:世貿在香港 -- 從無知到親身感受
此分類上一篇:眾矢之的

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文