話說，今日文莉小朋友差啲就被浣熊大哥殺了。
早上八點四十五分，文莉小朋友匆匆忙忙從那架該死的243巴士落離，直奔沙場（光大花園活動現場）。
（好驚，好驚，唔好鬧我，唔好……）
一向最怕遲到嘅佢，跑到索曬氣，終於跑到目的地。呢個時候，佢發覺，居然還有三個人未到～～*&*￥#）@@……&&～～
就咁搞下搞下，換下衫，化下妝。九點半，正式開工！
開頭個幾鐘都幾舒服，同其他人吹下水、派下糖仔就過去了。
跟住返去休息，先發現呢個系浣熊佢布落嘅局……
系花園坐咗唔夠十分鐘，文莉同某人就被人捉咗去門口企！
天呀，先發覺呢個完全系一個被人忽略的位置，
而呢個時候，浣熊出招啦！為咗令文莉同某人睇起身更加可憐，
個天開始下起毛毛細雨，而兩位美少女只好攞出武器：大大把遮！
中午，風更加劇烈，一件單薄嘅紗已經不足以抵抗寒風冷雨，
文莉快手快腳著咗件外套，食完飯十秒唔夠就開始沉思（訓著咗）。
兩點鐘……當文莉小朋友在某位置站了不到二十秒，
浣熊又開始叫佢助手阿天落啲濛濛細雨，
一個鐘後，見佢哋唔死，改成落大雨！
小朋友好硬淨，叫咗某人入去休息先，自己堅守崗位……
（好凍呀，好凍。點解可以好似用冷水淋你咁凍架？）
過咗一陣某人回來，文莉小朋友忍唔住，立馬衝向花園，
哇，離開把遮果一剎，浣熊大哥馬上使出一個風雨交加，
令到佢個背脊就好似結咗冰咁凍，無法作戰。
於是佢決定系花園入面坐……唔出去……
正系呢個時候，負責人極度有良心，提早收工～
（梗系啦，咁鬼大水，邊個還得閒離睇啲騎旎show～）
然後……真正嘅鬥爭開始啦……
當文莉只腳離開咗移動城堡（好鬼舒服嘅206中巴），
佢注定逃不開浣熊大哥嘅攻擊……
個天，好暗，周圍嘅景物已經系大雨中變得模糊不清。
小朋友撐住佢嘅唯一武器，向住和平基地（平房116）邁進……
浣熊系咁向住地面發射子彈，搞到地上面形成咗一個又一個嘅水坑，
佢又用埋曬啲魔法，搞到條路唔知點解會突然咁多車，塞滿曬條路。
話雖如此，小朋友冇理過，直奔基地大門口！
浣熊想必已經好嬲，佢唔明白呢個小朋友點解咁牛，
佢好大力咁連續吹咗三長兩短口氣，冇錯啦，
呢招就系鼎鼎大名嘅浣熊絕招——混混吉吉企唔穩，
望住文莉被吹得左搖右擺、失去方向、就離要飄起啦！
加上雨水不斷咁打到佢身上，寒冷亦都加倍，
浣熊個心，冷笑咗一下，轉過頭，居然見到，
文莉佢冇放棄不單隻，還一步一步咁跳過曬啲水坑，
就算行到好似只鴨咁，叫到好似雞咁，佢都繼續勇往直前……
浣熊此時此刻就更加放肆，佢又好大氣咁吹咗一啖氣，
將小朋友手上唯一嘅武器，佢把遮，整斷咗！
（頂你個肺，新遮離架，好彩系公司嘅，你精我都精，飲杯竹葉青）
就系咁……一路吹，一路擋，一路吹，一路擋，
就算全世界都已經冇辦法唔停低，全世界都要投降，
文莉小朋友憑住佢真金不怕落湯雞嘅精神，返到基地！
系敲門果一刻，佢自己都唔知點解呆咗了～
完。
文章定位：
人氣(372) | 回應(3)| 推薦 (
0)| 收藏 (
0)|
轉寄
全站分類:
不分類
