Tuesday, December 07, 2004
(今篇日記一定要用廣東話寫，唔係就唔夠傳神，唔到肉~~)
頂！尋日俾條仆街呃鬼左，而家條氣超唔順，勁嬲呀！做生意做到咁唔老實，好賤格je！鬼唔望你蝕到趴街，跟手執X左佢tim呀！你唔駛旨意再呃我，我唔會再信你。我一定會cut左佢，兼且要你refund番哂俾我。而家係你呃我，一路咁mislead緊我，仲一直迴避我gei complaint，(成日話負責人出左去未返，肯定係流料，十成十想避我啦，正死人頭！)我只不過爭取番我應得gei野，有咩唔岩先？道理不嬲都響我呢邊，我駛乜怕你呀？怕你有牙呀？你唔好以為我係學生就乜都唔知，你試下再呃我或者側側搏丫喇，我實告硬你！呢間公司叫California Fitness(中環、尖沙咀、銅鑼灣、旺角都有centre)，隸屬美國24 Hours Fitness。除左香港gei朋友要留意，台灣、新加坡gei朋友都要小心d，你地果邊都有California Fitness ga。千祈唔好俾佢呃！
唉，今次呢個教訓gei代價相當大呀，一日都係自己唔小心，咁就俾佢呃左我成個月糧。(我拿來去台灣唔好？點解要益d無良奸商呀？)呢d公司連學生錢都呃，真係無陰功，(你咁衰格，因住有報應呀！)大家千祈唔好join！仲有，我奉勸大家日後買野又好，join d咩又好，最好搵個人陪你去。一來可以幫下眼，二來可以提醒自己唔好亂來，仲可以幫口鬧下果d呃人gei粉腸。
仲有，就算有friend介紹你用d咩、買d咩都好，最好自己睇清楚先，諗清諗楚件事有無問題，先至好去做。當然我唔係叫大家唔好信friend，只不過凡事都係小心d好囉。我相信friend係唔會有心呃你gei，分分鐘佢都係俾人呃左，所以你無理由跟住佢做第二個ga嘛。
最後，千祈唔好亂咁將friend gei姓名、電話、地址、E-mail、銀行戶口number、credit card/EPS number、I.D. Card number俾人呀！尤其是最後3個items最緊要，係一定唔可以俾！你點知佢拿來做咩ga？(多數係不斷打俾人sell野，煩死人果隻呀！)呢d係個人私隱，你有權唔俾佢知ga！
文章定位：
