橘子兒..* 橘橘子有一家『幸福』專賣店，擁有各式各样的幸福，你要哪一种？ 自由的幸福，是淡藍色的。 甜蜜的幸福，是粉紅色的。 温暖的幸福，是橘黄色的。 思念的幸福，是淺綠色的。 心碎的幸福，是透明的。 心碎也是一种幸福嗎？ 其实〖成全〗也是和〖心碎〗一样透明。 成全也是一种『幸福』-By 橘子

97愛的鼓勵 0訂閱站台

四月随住肇庆之旅的结束而来临,
一直都好想写篇日志,
但系一直又落唔到笔...
提提已经过去的肇庆之旅,
虽然玩完番黎好好好疲倦..
但系,Anyway,真系几开心.
一大班人打麻将唱K玩通宵,
训唔够一个钟,
半夜三更起身摸黑走去爬鼎湖山..
日夜颠倒,
第一次沐足,
第一次入disco(虽然打左个转就番K房,顶唔顺D嘈音),
第一次见识咩叫超短裙之夜(着短裙有着数?),
第一次饮柠檬味的”ABSOLUT VODKA”沟埋D脉动,
第一次接触呢个斯巴达精神...哈哈..
去旅游去上瘾,好希望,好快就又可以一大班人一齐去玩啊..
下一次”苏杭之旅”,约定你地喇...
However,
从呢个学期开学以黎,
对学习真系一D信心都无,
4月22号就要考专四喇..
之前都讲过,压力好大,但系由于无动力,
所以...亦都无晒行动力..
今日都算叻女喇,居然可以答到”欧阳”既一条问题..神奇..
四月都算开左个好头,Anyway,呢排真系要认真睇下D单词,
上个星期专四辅导班去左考模拟考,
虽然果份卷印象中做过几次,
但系真正做起黎,
时间真系唔够用,
好惊2个星期之后既果个”大日子”!..
记得从读书开始,我都未怕过考试,就连高考,都完全无压力,唔紧张,
之前果晚仲玩游戏玩到12点先训觉(所以黎左呢度?其实都怪自己贪玩,荒废学业),
但系面对黎紧既呢次专四考试,
个心真系一D底都无,
可能因为呢次PA唔PASS到关乎学士位,关乎--读四年大学是否白费啦...
唉...
我成日都话俾自己听”take it easy”..
But可能我真系付出得唔够其他人多,
So..
”take it easy”真系无用..
希望God Bless啦..
今日突然有左某人既Q,
冲动之下去左某人既空间睇某人既野,
发觉某人原来有女朋友(仲要好鬼痴情+长情),
真系可惜某人已经属于别人...
Anyway,我都知个天已经对我非常厚爱..
虽然我一直都系自己一个人..但系,我并不孤单..

开学呢个月用到超晒支,原因系买左单车同埋去旅游,
不过值得!因为将来有一日我地毕业,我地各散东西??我地各走各路??--奔向寻找幸福的路??--
(正如你所讲)当我再睇番部单车既时候,
我会记得,有好多条路,妳同我一起走过...真系好多谢妳一直以黎既照顾..

啱啱打电话俾妈咪,谂住叫妈咪send D钱俾我,
妈咪就同我讲,已经send左喇,
果一刻,
真系.....
觉得自己好幸福..
始终都系爸爸妈妈好...
所以,我知个天已经好公平...

突然之间谂番我寻日写既签名,
”I’m tired,tired of losing,of hanging around..”
Actually,我并唔系不断地失去,而相反,我得到左好多好多.......

四月,不再疑惑...