＊ Ｌｏｖｅ　Ｍｙ　Ｗａｙ ＊ 「人隨著每天點點，成熟更添唏噓，回望某天某年。」 新聞台踏入新的網址、新的版面，期望繼續成為我的私人地方，成為亞鵬生命中一個永不磨滅的青春記印！！(2003-12-01 20:55:11)

530愛的鼓勵 0訂閱站台

警告:以下內容是台主極灰之下寫的,
冇心理準備唔好睇,請離開......




參觀左港大之後,我決定左搭101返觀塘,原因??我好唔開心,因為呢幾日都係因一個人所做既一切野而煩惱,我唔明佢點解可以用呢d冷言冷語對friend,我好唔明,我冇做錯野,串串串,我忍我都忍左佢ga啦,得寸進尺,咩意思呀??我想知係我講野唔夠你串呀,定唔夠你刻薄呀.

講真,我真係好唔慣係大棚人裡面生活,我應該將自己放咩位呢??搞笑令人開心,做一個好cool咩都唔理,定係做一個永遠比人嫌棄既位置,存唔存在大家都唔覺既.永遠都係人地揀同我friend,有咩唔開心,比人出氣,比人發洩既人???!

如果你真係當我係friend我可以幫你做咩都得,but 係呢個時候我相信係時候到我揀自己想過既生活模式啦,就算冇friend同我過呢幾個月,我都冇所謂,因為我知道就算同呢d人friend,結果都係傷到自己,唔想忍啦.太多呢d野啦.好tired呀.

朋友係互相體諒同支持ga,我係咁諗囉!!但......我完全感覺唔到有d人會識呢樣囉
開心個陣同你喂喂喂........唔開心個陣...主動睇下人地點啦.......仲要比串囉......到我唔開心個陣啦,你唔開心呀??抵啦...理得你啦...扮冇知

我知我呢排好衰仔, 冇端端成日放人飛機,但我都唔想ga,我係有原因同預先同你地講聲ga啦,唔係臨場放呀!如果係我願意承擔,但依家好似做親咩都唔岩.

到遲到啦,當我次次準時個陣,等等等啦,而佢係唔記得自己遲到ga,當我遲個陣,鵬呀!!除左飛機王之外,成成日都遲到既,好冇品囉,嘩....講晒啦...

夠啦......算我唔識同人相處啦,我已經好tired ga啦,屋企已經煩到我頭都爆,咩都係錢錢錢錢,好辛苦ar,仲有依家要升u揀科啦.......頂,係觀功咁多年,講真啦....一d'渣那'都冇,人地點差都好,都有自己既強項,但係觀功??你學到d咩ar??英文死啦....form 1至form 3,4都冇咩學過野,我地呢d個底已經差到爆ga la,學校呢懶理啦,你地差咪差囉,成績差係正常ga喎,去到中6中7既我,會考去考課程甲,有個e都照比我上,但去到a-level......水平一條彌敦道加青山公路咁遠呀唔該,個個都話你追到ga,努力就得,冇野冇可能ga,我都知冇野係冇可能,but 有d野唔係有冇可能既問題,係你資質問題,你有好既根底,要進一樣野我諗只要比多兩錢力就ok,but 你資質差既比你兩斤力啦,人地進步,你又進步,但我既進步永遠都係最慢個d,唔知點解??一句差.

好啦到我知道我想做社工啦!!我知道好多途徑可以去到,但將你想自己行條好d既路個陣,由學位降至HD,then到依家既副學士,好多方法啦,but 永遠都有阻滯,點都冇我份,...因為我英文唔合格.就算我好好好有誠意同衝勁去做社工既,但一科英文就玩謝我囉,我冇野講,我知自己唔爭氣,咩理想,咩未來職業......超.....同空氣有咩分別呀??

哈哈......人生不如意時常八九,靚仔捱下啦...
點都好......對得住自己,行自己仲意既路!我諗幾辛苦,都會覺得開心.