很 多 樂 壇 中 人 都 說 黃 貫 中 （ Paul ） 臭 寸 、 麻 煩 ， 但 你 有 你 講 ， 阿 Paul 依 然 故 我 ， 說 話 一 針 見 血 。 雖 然 他 的 話 不 會 人 人 岩 聽 ， 但 句 句 有 point 是 事 實 ， 言 之 有 物 、 話 中 有 骨 ， 這 塊 老 薑 令 人 辣 得 標 汗 。
訪 問 中 曾 經 出 現 的 三 個 話 題 ， 隨 口 拈 來 ， 阿 Paul 的 答 案 也 精 妙 無 倫 。
話 題 一 ： 本 地 樂 壇 — 「 買 舊 豬 肉 臭 0既 ， 用 D 乜 野 川 椒 炒 ， 側 邊 D 人 都 會 覺 得 臭 。 」
話 題 二 ： 本 地 歌 手 — 「 佢 地 係 混 賬 、 混 水 摸 魚 、 魚 目 混 珠 、 混 蛋 ， 加 埋 就 係 混 。 水 中 『 昆 』 人 ， 混 字 有 三 點 水 為 之 錢 ， 『 昆 』 人 D 錢 。 」
話 題 三 ： 女 友 朱 茵 — 「 冇 愛 情 即 係 餓 死 ， 冇 女 人 世 界 末 日 。 」
Paul 下 月 紅 館 開 騷 前 ， 請 他 先 開 金 口 熱 身 — 黃 貫 中 有 碗 話 碗 talk show ， 現 在 開 始 。
話 題 一 ： 本 地 樂 壇 — 「 買 豬 肉 臭 ， 用 乜 川 椒 炒 ， 側 邊 人 都 會 覺 得 臭 。 」
人 要 年 年 驗 身 ， Beyond 成 員 黃 貫 中 眼 看 樂 壇 ， 早 年 在 他 口 中 已 經 敗 壞 不 堪 ， 今 天 請 他 再 update ， 他 的 看 法 依 然 不 變 ， 只 是 撞 得 板 多 ， 他 今 次 不 開 名 而 論 ， 因 為 大 家 都 要 為 兩 餐 ， 畫 公 仔 不 必 畫 出 腸 ， 精 明 讀 者 自 有 判 斷 。
自 比 是 娛 樂 圈 局 外 人 的 阿 Paul ， 對 本 地 樂 壇 抱 著 哀 莫 大 於 心 死 feel ， 臉 上 掛 著 有 點 嘲 弄 但 又 無 奈 的 苦 笑 ， 他 說 ： 「 問 D 普 羅 大 眾 咪 知 乜 事 ， 尤 其 望 到 一 班 係 度 混 0既 明 星 ， 唔 需 要 再 講 傷 害 說 話 ， 都 係 個 句 ： 搵 兩 餐 者 。 大 家 都 知 混 者 班 唔 會 長 久 ， 唔 會 有 唱 片 市 場 ， 無 論 佢 鋪 足 金 又 好 、 鍍 金 又 好 ， 搞 演 唱 會 都 冇 人 睇 ， 買 D 豬 肉 臭 既 ， 用 D 乜 野 川 椒 炒 ， 側 邊 D 人 都 會 覺 得 臭 。 」
睇 好 at17 周 國 賢
但 阿 Paul 也 看 好 一 班 新 人 ， 他 說 ： 「 咁 我 發 覺 香 港 都 有 好 多 好 野 ， 有 D 對 音 樂 有 心 ， 但 實 力 未 夠 ， at17 、 周 國 賢 都 跑 緊 長 途 賽 ， 我 同 佢 地 冇 利 害 關 係 ， 唔 係 好 熟 ， 但 欣 賞 佢 地 打 正 旗 號 ， even 許 懷 欣 都 係 ； 香 港 一 班 地 下 樂 隊 捱 得 好 辛 苦 ， 每 個 都 有 份 正 職 至 支 撐 到 樂 隊 ， 唔 係 為 生 活 ， 係 為 理 想 。 」
問 阿 Paul 何 謂 混 ？ 他 像 《 每 日 一 字 》 般 解 釋 ， 但 答 得 抵 死 之 極 ： 「 我 所 講 0既 混 ， 係 混 賬 、 混 水 摸 魚 、 魚 目 混 珠 、 混 蛋 ， 加 埋 就 係 混 ， 水 中 『 昆 』 人 ， 混 字 有 三 點 水 為 之 錢 ， 『 昆 』 人 D 錢 。 呢 個 圈 好 混 ， 80 年 代 試 過 唱 片 公 司 出 14 個 月 糧 ， 我 地 賣 七 、 八 萬 張 靠 邊 站 ， Leslie （ 張 國 榮 ） 、 阿 倫 賣 幾 十 萬 。 未 來 唔 會 再 有 呢 個 情 況 出 現 ， 因 為 我 地 冇 根 ─ 冇 文 化 根 、 鑑 賞 力 0既 根 。 」
「 死 路 都 要 行 住 先 」
阿 Paul 的 話 令 人 聽 到 打 冷 震 ， 這 樣 說 來 ， 娛 樂 圈 和 死 路 一 條 都 差 不 多 了 。 他 說 ： 「 死 路 都 係 路 ， 行 住 先 ， 都 會 開 開 心 心 行 呢 條 路 ， 哪 怕 是 死 路 ？ 我 願 意 用 鐮 刀 割 一 條 路 畀 自 己 行 ， 咁 多 年 來 我 都 係 一 手 一 腳 ， 之 前 0既 唱 片 公 司 俾 我 鏟 到 飛 起 ， 個 個 見 到 我 都 話 阿 Paul 好 『 擇 使 』 。 當 日 俾 我 話 過 0既 人 消 失 晒 ， 我 仲 係 度 ， 因 為 我 一 早 講 過 『 我 一 定 耐 過 你 ！ 』 唔 好 話 我 黃 貫 中 講 呢 0既 野 係 岩 定 唔 岩 ， 我 仲 彈 緊 band ， 仲 可 以 大 大 聲 聲 ， 唔 係 賺 好 多 錢 ， 但 街 坊 話 ： 『 喂 ， Paul ， 開 騷 呀 ？ 支 持 你 呀 。 』 好 多 謝 。 做 人 ， 為 呢 一 刻 都 已 經 夠 ， 音 樂 做 到 認 同 ， 好 好 啦 。
「 我 本 身 個 人 灰 色 ， 悲 觀 到 盡 左 ， 已 經 睇 到 化 ， 但 積 極 面 對 ， 好 似 掟 一 隻 歌 出 去 ， 要 三 分 幾 鐘 最 好 （ 編 按 ： 符 合 電 台 要 求 的 播 歌 時 間 ） ， 我 就 掟 隻 六 分 幾 鐘 0既 出 去 ， 鍾 意 聽 唔 介 意 多 兩 分 鐘 ， 唔 鍾 意 就 一 分 鐘 都 唔 願 聽 。 做 人 一 定 要 有 自 己 宗 旨 ， 幾 十 歲 啦 ， 唔 需 要 聽 0既 根 據 人 地 講 0既 野 ， 唔 使 人 地 指 指 點 點 ， 因 為 最 後 會 迷 失 自 己 。 」
「 個 個 去 蒲 去 媾 女 」
阿 Paul 續 說 ： 「 人 好 怪 ， 好 易 俾 勝 利 沖 昏 頭 腦 ， 好 易 利 慾 薰 心 。 知 名 度 、 喝 采 聲 會 上 癮 ， 因 為 知 名 度 而 去 做 冠 冕 堂 皇 0既 野 ， 虛 榮 會 令 人 中 毒 ， 一 經 上 癮 戒 唔 到 ， 尤 其 成 功 左 0既 更 加 要 檢 討 ， 賺 到 錢 0既 就 更 加 要 有 使 命 感 ， 淨 係 識 得 拍 檯 鬧 經 理 人 ， 點 解 人 有 0既 野 我 冇 ， 點 解 播 佢 D 歌 唔 播 我 D 歌 ， 係 時 候 去 檢 討 自 己 囉 。 現 實 係 好 現 實 ， 唔 係 殘 酷 。
「 我 自 己 都 攞 過 獎 ， 每 次 都 唔 好 意 思 0既 ， 池 中 無 魚 蝦 稱 王 ， 我 有 好 多 不 足 ， 但 鬼 叫 冇 人 玩 呢 D 野 咩 ？ 個 個 去 蒲 去 媾 女 ， 有 冇 人 睇 到 我 苦 練 呀 ？ 手 指 開 晒 花 呀 ， D 人 話 ： 『 你 講 得 好 寸 喎 ！ 』 我 有 好 多 都 係 練 番 黎 架 ， 黃 貫 中 唔 係 一 個 天 才 ， 某 程 度 上 我 係 庸 才 ， 細 個 時 ， 我 已 經 知 道 要 比 人 成 功 ， 就 要 比 人 加 倍 努 力 ， 我 生 得 矮 ， 唔 係 靚 仔 ， 好 似 龜 兔 賽 跑 隻 龜 ， 呢 個 就 係 事 實 。 」
**蘋果日報
這就是亞Paul，欣賞、聽亞Paul的歌，因為他有這樣的「火」﹗
沒有「火」及立場的音樂人，就失去了靈魂，只懂做市場需要的歌，而非領導音樂市場，我不介意冷門，只要好音樂﹗
文章定位：
