頹温＠Dennis｜PChome Online 個人新聞台

2007-05-28 01:59:21| 人氣46| 回應0 | 上一篇 | 下一篇

頹温

推薦 0 收藏 0 轉貼0 訂閱站台

咩叫頹温,啫係頹廢咁温書,雖然日日都會番科大温書,由朝坐到晚(除咗有時偷懶去咗游水/做gym),但係effective温書時間少於8小時. 點解?因為好悶,啲嘢以前讀過,雖然唔可以話記得,但係讀吓會recall番啲印像.

其實呢兩個星期,咩fds都無見過,可能係有天氣陰晴不定,搞到唔能夠盡興地著背心,大家都無咩mood出黎. 反而我淨係同班同事係Friday nite睇過吓魔盜王,公司係尖咀嘉禾包場嘛,因為片場係190mins,所以有啲集中唔到.

係喎,仲有無聊嘢可以一提,就係AC Milan攞咗歐冠,其實場波唔好睇,兩隊進攻唔流暢,不過老將恩沙基,以佢一貫機會主義者的方式,替紅黑軍團入咗兩球,所以冠軍係屬於佢既.

有日,係尖咀Cali撞到周鴻發同潔雯. 另一日,好嬲,因為係Cali既sauna,俾一個中年男人用腳故意咁”掂”咗我隻腳一吓,咁我就即刻走咗去stream room,點知佢重跟住黎,又慢慢咁坐近我,我就即刻當住咁多人鬧佢,叫佢”爛開啲”. 最憎啲人幾十歲都咁唔尊重自己.

我覺得自己做咗好多好傷害人既嘢,好似好衰咁,但係勉強自己我又做唔出,正如我都唔會勉強任何人一樣. 其實,我知道,呢個不過係一個借口,但係講出事實,卻會傷害得更深. 所以,呢過世界,係無嘢番到轉頭;當一個人變咗心,你做咩都無用.

只有主,永遠期待著我地番轉頭.

我要檢舉

台長： Dennis

人氣(46) | 回應(0)| 推薦 (0)| 收藏 (0)| 轉寄
全站分類: 不分類

回應(0)