上海＠Dennis｜PChome Online 個人新聞台

2007-03-26 01:25:05| 人氣36| 回應0 | 上一篇 | 下一篇

上海

推薦 0 收藏 0 轉貼0 訂閱站台

唔講廢話,上個星期係番禹,好多蚊,我同另一個同事住宿舍五樓,環境惡劣,廁所燈沖涼時壞咗兩次,無水飲,要自己帶被套,日日食啲唔好食既餸,日日做得好夜,client態度唔好又cheap.

回來後,淨係記得星期六同咗Henry去飲嘢,好多人,例牌Black Label,最神奇係我叫Moet & Chandon時竟然遇到Benson,呢個世界真係細,仲識到Henry啲朋友仔.

星期一,撘機去上海,坐兩個鐘車去到client度:浙江平湖. 呢邊個客好nice,好helpful,間酒店又靚,對住個湖景,又餐餐同我地食,好好照顧.

呢個城市有五十万人,不過好多外資企業黎,所以有條日本街好靚吓. 因為時為比較鬆動,今次工作無咁緊張,所以我地有啲時間行吓,特別係星期五下晝,個client車咗我地去西塘,一個古色古香既地方,好似中式既威尼斯咁,我地一齊係嗰度食晚飯,之後再去上海.

大約夜晚九點去到傳說中既外灘,呢面係傳統歐洲建築物,從前係領事館,而家係國家機構,銀行既所在地;而對面蒲東就係現代化既建築,好似東方明珠,金茂大廈咁,都算唔錯. 我地番咗酒店放底啲嘢,就再去新天地,好似香港既蘭桂坊,不過啲嘢重貴啲,重多鬼佬. 我地係一間叫CJW既lounge飲嘢,我飲Royal Salute,Cora飲Chivas,聽Live Jazz,有個法國人吹Sexophone好得,而我隔離個德國人同我玩魔術,真係好開心囉.

第二朝,我自己一個人行蒲東既正大廣場,裏面有Zara,重會開H&M,撘地鐵過番外灘,行咗條叫南京步行街(啫係上海彌敦道),跟住就差會多要番酒店,因為我班機係下午四點. 撘咗磁浮列車,七分鐘去到機場,時速達431km/hr囉,因為某啲原因,今次可以撘頭等機,正. 但係點係落機先知client幫我訂咗宝安機場,搞到我無得撘船,要撘啲直通車,好憎呢啲嘢囉....搞到我成九點幾十點先返到屋企.

我要檢舉

台長： Dennis

人氣(36) | 回應(0)| 推薦 (0)| 收藏 (0)| 轉寄
全站分類: 不分類

回應(0)