Via Quadronno＠Dennis｜PChome Online 個人新聞台

2007-03-01 01:05:41| 人氣30| 回應0 | 上一篇 | 下一篇

Via Quadronno

推薦 0 收藏 0 轉貼0 訂閱站台

好懶呀,成個星期都無寫diary. 上星期三係農曆最後一日假,晏晝約咗Steve係旺角gather,係花園餐廳食咗個焗飯,同Steve傾起,真係發覺自己呢年變咗,麻木咗,或者可以話係睇開咗掛,之後過咗去朗豪坊行咗陣,我就去做gym喇.

放完假番公司緊係多嘢搞喇,尤其係一年一度係既洗樓行動,令人奮興. 星期五我地自己組既春茗,係尖咀東海搞,有幾百人. 我地一班SA1霸咗一枱,好開心,又有99年紅酒飲,仲有奬金奬品,人人有份,不過因為咁,所以要搞到over run得好犀利,成十二點先玩完,我就無得再去同Henry飲嘢.

跟住,梗係要同gappian聚吓喇,我地係悠悠中華食屋(中菜版的和民)叫咗十八樣菜,都係三百幾蚊咋,多謝Dolly既Cova蛋糕,同Hildy慶祝生日. 本來諗住行街,但係啲鋪都好早閂晒,最後一齊去咗漢口道間Haagen Dazs食雪糕,我地share咗個歡樂無限(啫係9個scoops既雪糕),Fig真係好好食.

週日,同咗Yu再行尖咀,因為我想買嘢,睇咗好多恤衫,覺得Zara有啲款幾好,不過唔使用cufflink,唔開心. 另外係蓮卡佛買咗隻支Nickel既磨砂洗面,同埋一支mask,試過都覺得唔錯. 過咗中環後撘電車去銅鑼灣,行咗陣就坐咗係Starbucks飲嘢.

跟住嗰日,收工後同呀輝去咗CWB Search飲嘢,搞到成點鐘先走,好攰......就講吓今日喇,可以同Kwan食飯,真係好呀,係我下星期去番禺前同我食番餐開開心心既,所以就去咗IFC2樓下既一間意大利餐廳食lunch,叫VIA QUADRONNO,
啲牛油同湯都幾好味,每人大約二百蚊,值得推介.

我要檢舉

台長： Dennis

人氣(30) | 回應(0)| 推薦 (0)| 收藏 (0)| 轉寄
全站分類: 不分類

回應(0)