泰山＠Dennis｜PChome Online 個人新聞台

2007-01-08 00:31:00| 人氣79| 回應1 | 上一篇 | 下一篇

泰山

推薦 0 收藏 0 轉貼0 訂閱站台

12月30日,己經係超過一個星期前的事喇,不過亦都係我上黎山東既第一日. 十點幾,好惜我的父母己經同我黎到機場,重係大家樂食咗個早餐. 跟住見到人齊,一行六個人就趕住入閘,因為竟然係全架機既人等緊我地囉.

三個鐘後,一落機,feel到既唔單止係凍,重有一片片既雪花.好興奮囉. 咁從青島機場去我地client既所在地臨沂坐咗三個鐘既車,同client既公關食咗餐就差唔多要休息喇,因為我第二日要去一個好遠好遠既地方,叫做德州.

其實呢度,唔止好乾燥,啲嘢食重係好油同好辣,所以都唔知食咩好,雖然係酒店食任何嘢都唔使$,但係都無啖好食. 就好似呢個坐咗成六個鐘先去度既德州,同河北只有幾公里遠,係山東最凍既地方,去係為咗可以係一月一日做stocktake. 咁係呢個地方既頹賓館過咗一晚,第二朝就去呢個凍廠點貨,係呢個零下十八度既地方,係有幾萬公斤既肉同凝固咗既油,雖然之前己經著咗啲暖包係身,但係都凍到手指都甩....跟住下午去咗沂水,係去睇吓啲飼料,我上咗一個有廿五米高的大桶,好似油桶咁高既,睇吓裏面啲玉米. 之後撘車返到去臨沂,都己經好攰,邊度到唔想去.

2/1,七點鐘己經要起身,因為要去一個三個鐘遠既地方-泰山. 我地十一點係泰安市食埋個麥當勞,就係山底撘車去到半山,大約八百幾米高,己經有啲積雪. 跟住我地就行樓梯上山,一開始時大家都可以步伐一致,但係過咗半個鐘己經唔見咗人. 有一個景點叫十八盤,有1600級樓梯,呢個真係好攞命,但係最後全部人都上到山頂,大約1500米高,係有好多雪嗰雪,真係好靚呀. 雖然大家一路行,一路凍到流鼻水,不過都好值得.

我興趣睇相既朋友,請去:http://community.webshots.com/user/dennisloatey

我要檢舉

台長： Dennis

人氣(79) | 回應(1)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(1)