夏令會06＠Dennis｜PChome Online 個人新聞台

2006-08-15 23:46:11| 人氣27| 回應0 | 上一篇 | 下一篇

夏令會06

推薦 0 收藏 0 轉貼0 訂閱站台

講咗話呢個entry會講番夏令會的嘢,所以希望大家明白.

我地總務比較早啲入咗嶺南,燦明同我將啲物資由宿舍送去聚會處,途中燦明問我"你個心準備好未?"我都好老實咁答未準備好呀,其實我咩都無準備過,個心一直俾好多好多嘢塞滿晒.....加上事務上的繁忙,好似第一晚無熱水,令到我擱置咗呢個嚴重的問題.....

每一覺都瞓得好差,尤其係第一晚,從三點幾一直又瞓吓又醒吓,中途因為太凍就較細咗冷氣,去到五點幾望實個鐘都唔敢瞓,因為好驚六點半鐘醒唔到. 晏畫時間又一樣,根本對眼恰埋,但係完全休息唔到. 所以一日比一日攰. 另外因為同房的弟兄需要特別的照顧,可以話係身心疲憊,基本上所以早堂我都集中唔到精神. 但係感謝主,所以的晚堂我都可以專心.

第一係神係亞伯拉罕身上的帶領,從羅得,以實瑪利,以撒的剝奪,以及法老王同亞比米勒的恩典,可見神得著一個人,背負一個人的明證. 另外係最後一堂主捨命的大愛,從亞當身上的皮講起,一直到基督的捨命,靈的痛苦.....會後一福音朋友同我講"我以前從來都唔感覺得主的愛係咁大".

有一晚順達同卓智入咗黎,陪我同房的弟兄,最後弟兄建議為大家禱告,每人都提出自己最需要的屬靈需要. 另一晚,我同咗順達入咗總務房傾偈,大家都好坦白,真係好開心,一年喇. 又有一晚,入咗佢同永鴻房,都傾咗好耐.

分組,桂生導師的功課,令我非常沉重,非常沉重......導師同我係canteen交通時,亦都令我非常沉重.

我要檢舉

台長： Dennis

人氣(27) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)