差唔多喇＠Dennis｜PChome Online 個人新聞台

2006-05-02 00:13:24| 人氣44| 回應0 | 上一篇 | 下一篇

差唔多喇

推薦 0 收藏 0 轉貼0 訂閱站台

對唔住,我真係邊度都唔想去,唔淨止係海馬公園,係所有的地方都唔想去. 好希望大家諒解我點解會成日唔見咗人,因為我真係唔係咁想見到人. 我的病,比預期壞得快多了. Teri同Kwan,我覺得差唔多係時候喇.....

可以交待吓番呢份工的嘢,呢幾人因為趕交稅表,所以都幾忙吓. 你知喇,一間公司有咁多員工,你要幫晒咁多人填,淨係寫地址都手軟,重要係啲公司唔會同你講每個員工人工幾多,要逐個月啲MPF,bonus加......真係計完都唔知有無錯. 星期六就幫咗手做智障嘢,雖然叫tax investigation好high,但係將client近五年的銀行交易轉晒做excel,都咪話唔庇護.

有日發生咗一件好可怕的事:有日放工,因為自己公司的厠所要鎖匙先去到,咁就費事去,就落咗下面商場二樓的廁所. 搞掂完就行去海運嗰邊,因為約咗henry係碼頭等,點知,我差唔多出商場時,有個四十歲左右的男人同我講嘢,話我係廁所搞埋啲污糟嘢,一開始我都唔明佢講咩,聽聽吓原來佢話我係廁所"莊"佢......我話咗佢一句黐線就走,點知佢打電話揾人,重一直跟住我,咁我唯有行快啲,點知佢係後面踢我呀,重話打爛我眼鏡,咁我都唯有報警喇. 差佬黎到5支旗桿,分別問我地咩事,條友重好激動咁喊打喊殺咁......最後梗係和解收場,不過我以後都唔會再去嗰廁所,正如Teri所講,最驚黐線佬.

呢排有假放,可以温吓書,因為有太陽,又可以游吓水,真係等咗成個冬天. 所以夜晚同teri可以一齊著吓背心開心吓,今季都無咩特色,無咩嘢/亦無咩心情想買嘢. 死喇,我真係越黎越廋,點算呢,唔通真係要食番奶粉?

呀威星期六日都有黎,尤其係佈道會,佢聽得好清楚,重話覺得呢位神好有人性,其實我地照神的形象樣式做的,我地的良心重有些微的神性.....求主幫助佢自己睇書籍同埋睇四福音會明白,亦維持佢一顆單純渴慕的心.

我要檢舉

台長： Dennis

人氣(44) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)