沉重＠Dennis｜PChome Online 個人新聞台

2006-01-11 01:40:12| 人氣61| 回應0 | 上一篇 | 下一篇

沉重

推薦 0 收藏 0 轉貼0 訂閱站台

上星期五大家都遲放工,所以啱啱就到時間係Sogo等一齊去食嘢,(其實我成日係我depart最遲走的,希望秘書返黎情況會好啲,我又唔使成日覺得我做錯嘢),同Nick揾咗一輪,去咗壽司亭,不過無咩食過壽司,叫咗啲同圖片好唔同的嘢食,好彩個牛肉鍋都算ok,之後有啲想去義順食甜品,不過估唔到咁多人喎. 做audit個個年頭年尾真係咁忙喎,不過有時去吓stocktake都幾好玩既,好過成日坐係office...

本來諗住星期六會同屋企食,但係係兩個分享聚會後弟兄問不如一齊食,咁唯有廷遲一日喇. 我地三個去咗甜心,因為唔會趕人走,可慢慢坐嘛,傾咗好多,明白多啲具體的情況,我真係唔敢講啲咩,不過個心始終唔多安樂. 最令我難過的係主日,自己唔能夠同心咁祈禱,係我從來都未試過既,我只可以為人唔為事咁祈禱. 係食飯的時間,都有弟兄關心佢的行程,我唯一可以講的只有:我會記念你的.....到我昨晚打給他,知道他腳的傷勢有啲好轉,真係唔知應該開心定唔開心. 我一啲都唔担心佢今次的行程,反而更担心佢日後點行呢條路.

不過我始終相信主係會保守一個單純愛佢的人. 唔明白,點解有人可以擺上一切為主,有人可以無動於衷. 未信的人可以唔明主的愛,但係信的都係咁就更傷主的心. 我地分享的"生命真諦"中有一個比喻:母親給了她女兒一塊錢,她女兒在櫉窗前揀來揀去,她母親催她,女兒說"我只有這一塊錢呀!". 我地只可以把生命放係最有價值的地方.

我要檢舉

台長： Dennis

人氣(61) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)