有晚我發了個訊息給W. 這幾日沒有收到任何的回復,這便是他的答案. 一開始,我諗:犯不著這樣吧,我也不好過. 但我現在更覺得係我當日傷害咗你,我一句對唔住都無講過.
十二月,天氣反常,上次見kwan還著背心,這幾天凍了,身邊的人惰性發作,也許係節日氣氛作怪,星期五有OM生日,Susan等竟去了開生日會,Lillian五點也走了,佢地話下週公司會更少人,很好,因為我很怕人多. 當COO請我地食tea,我叫咗個五青菜汁,有人問我係唔係食素,因為見我唔會食任何零食.
有日同k係我公司附近食泰國嘢,本來我唔敢入一間無人的餐廳,但係anyway,除咗選擇少,係得咖喱外,啲嘢都幾好. 不過我都唔係咁鐘意青咖喱囉. 之後陪咗佢去cwb,因為佢想係香港買dc,最後我地係中原電器買咗部canon. 本來想去search,不過佢攰,所以最後都無. 身邊啲sales字眼,提醒住呢個artifical節日又黎喇,係時候有理無理都洗吓錢.
"黎咗好耐呀?"
"七點幾八點喇,係Cali做完gym嘛上黎囉."
"呢排有無加磅,我話做gym呀."
"呢啲嘢順其自然喇"
"啱呀,我呢半年都係keep住,無必要刻意加磅."
"係喎,我呢緊會去Taiwan玩,同我去旅行的partner,不過都等都一月先,人少嘛"
"行開吓都好既,你就好喇,我就無你咁多假." 望一望他手中那包YSL,"喂,我係唔係阻咗你食煙呀?"
"哦,唔係,想食我會自己行開."
"呢排識咗咩人?"
"我係唔會答你呢個問題. 幾年前呢個仲係我同D friend的話題,但係而家連講都唔想講."
"咁你真係唔認老都唔得,我地有代溝,死喇死喇."
"死你個頭,老有咩唔好. 呢幾年反而覺得個人舒服咗好多,無之前嗰啲矛盾,無咁多嘢諗."
"咁又係,老嘛老囉."
"咦,你條嘢係slick買?"
"唔係,係sogo啫. 話時話,都幾想去slick."
"我都想喎,都成兩三個月未去過."
"佢近排裝修嘛,不過都會搬,唔記得搬去中環邊度囉,上網睇番先."
"我上次去都幾搞嘢,同咗個sales去吉野家食tea,唔記得佢叫咩名添"
"梗係佢叫你去喇,叫Eddie嘛. 眼大大嫁嘛..."
"喂,下次見呀."
"ok喇,我諗都好大機會再見."
文章定位：
