又一城/棧/月/年.....＠Dennis｜PChome Online 個人新聞台

2005-10-31 00:02:57| 人氣53| 回應0 | 上一篇 | 下一篇

又一城/棧/月/年.....

推薦 0 收藏 0 轉貼0 訂閱站台

做咗件白痴嘢,同荷銀簽咗兩個月定期,又唔醒起十一月頭會加息喎,所以都話後生仔衰衝動,無諗清楚先做. 啲錢又困死咗兩個月. 不過呢兩日重誇張,可以五點幾走人,真係爽到呀,可以番屋企食飯,有日竟然可以去做gym添喎,所以呢排心情靚咗.

星期五同我個位上一手的人食飯,叫Rowena,佢以前走係因為一個人做兩個人嘢,同上司關係又唔係咁好,人工又低喎,嘛走咗去附近做會計. 我地一行五個人由鰂魚涌行咗去太古城食lunch,一間係溜冰場邊的西餐廳,叫咗兩個pizza,個三文魚pizza最好食囉. 原來公司十一月會加人工,不過我就無份喇,因為重未過probation嘛,不過講真吖,下年big4加到成萬二,如果唔加個個都走喇.

星期六早上終於可以遲啲起身,下畫番青聚,桂生導師講主所行的神蹟,迦南的寡婦能夠得到醫治,因為有謙卑的心,之後同咗整親隻腳的順達番屋企,七點幾出咗去又一城,因為出糧+生日所以請食飯,除咗家人之外重加埋玉琼姊妹,七個人係又一棧食咗個六人餐,間嘢服務都幾好,拉面同西米露好食,個人對main course無咩感覺,不過呢度枱同枱之間太窄,無翠園咁舒服.(其實我係因為近先黎咋,事出尖咀)

今日主日林生又重提我地不單聽道,更加要行道.提醒我地聚會生活,供應聚會各方面的欠缺.無同弟兄們一齊食飯己經三個星期喇,因為要番屋企温書,QP真係得個吹水,唔鐘意上呢種堂,facilitor廢到呀,搞到我今晚要番workshop無得同Tony&Kwan去飲嘢,不過唔緊要喇,記住星期五呀.

我要檢舉

台長： Dennis

人氣(53) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)