雲柱火柱＠Dennis｜PChome Online 個人新聞台

2005-09-26 23:36:12| 人氣43| 回應0 | 上一篇 | 下一篇

雲柱火柱

推薦 0 收藏 0 轉貼0 訂閱站台

嘛點知可以揾到工囉,十二點幾HR打俾我問我覺得份工點,我嘛話覺得可以學到嘢同考到牌,佢就俾offer我,話星期一可以開工,我真係有啲意外,因為我覺得自己interview得嘛嘛,竟然擊敗咗一個係KP做緊的科大fresh grad,咁我諗可唔可以係青聚度分享呢,但係我又唔知點講,所以我淨係分享咗"一路我蒙救主引領",好感到昔日以色列人竟然注目那些鵪鶉卻忘記供應嗎哪,以雲柱火柱帶領他們走一生道路的主,所以我都覺得主賜工作給我固然感恩,但主畢生的帶領先係最緊要.

主日,分享聚會(刪萬字),後去買裇衫,都成功揀咗一件,七點同S小姐同佢男友,重有Kwan一齊係尖咀百人一朱食飯,裡面好少人,空氣又幾焗吓,我地叫咗好多嘢. 佢地兩個真係好恩愛,越睇越有夫妻相,真係好替S開心,我同Kwan成日製造gap位,最可怕係雪糕,裏面係有舊好大的紅豆.....大家千祈唔好叫

番工,八點鐘出門,早咗15mins,係太古坊的7樓牛奶公司總部,我姑姐一見到我就同我講"Gd morning, Dennis",真係呆咗...其實怡和旗下有牛奶公司,而旗下又有惠康,萬寧,美心,7-11,IKEA....咁我就係做萬寧的Finance,我team有上司三個,我直接report俾asst mgr: Lilan,一個以前係KP做audit四年的中大女仔,咁我今日做的嘢都係關於萬寧的各間舖的租金.....好煩.

午飯係12:30-1:30,咁Lilan同咗我去麥記食咋,半個鐘就返去做嘢....茶水間有好多嘢飲,惠康有既都有,重有啲推車用黎推文件. 三點幾我姑姐走黎同我簽約,有正常福利,可以係惠康萬寧IKEA買嘢有9折,都幾得意喎,跟住做到七點幾就認識吓其他team的人,八點鐘我就可以走喇,我己經係Fin. Dpt最早走的一個.

今日,學識print嘢,copy,攞紙....明天要做信用卡係萬寧換禮品的數. 我真係好感謝主俾我唔使係audit firm做,可以星期六專心聚會,唔使番內地工作,又可以考到牌.

我要檢舉

台長： Dennis

人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)