那晚,終於出咗去,其實我自己都好矛盾,雖然想面見,但係見咗又可以點.....但係,最緊要的係我係好唔鐘意"當咩事都無發生過"的感覺,所以寧願十萬個樣衰同難受,我都唔想搞成咁. 五點九,天晴,有煙霞,對岸的IFC也看不清,我地因為唔想係條街度行黎行去,連我也不想在平時至愛的海運巡視,竟然不肚餓的也去了Italian Tomato食飯. 我,對著餐牌苦笑了一下,想著,這是就我從前問你TST可以有啲咩嘢介紹,而你的第一個答案就係呢間餐廳,"好,等你好番我同你去."
望著廣東道,一條夾雜著不同情緒的街道:幾千蚊個的手袋,和幾對小童的眼神,還有摸著水杯的我...... 不知怎的,那刻我覺得自己非吃肉醬意粉不可,對蕃茄的酸味和芝士濃郁有著不可抗拒的慾望. 視野越來越清晰,本來因為外面的温度比室温高,所以便附著一層水氣在玻璃上,雖然是薄薄的,卻己足夠教人看不清......但可幸的是畢竟兩邊温度也有相同的一刻,那層水氣無聲的無的散去,本來看不到的出現,其實一早己存在.
從前的刻意,現在也是同樣的刻意:話題,眼神,以及所經過的地方. 彷彿一早己約定,開始己經有共識似的,但,分別卻是從前和現在.
我真係好想講,我覺得呢六年黎你一啲改變都無,淨係越來越驕傲,越來越睇唔起人,呢度無人有資格睇唔起任何人,就算有都未輪都你,我淨係識睇market value. 其實我從來唔覺得你有諗過去改變自己,一直都係唔滿意身邊的人事物,你呢種唯我中心主義的人去到邊到係諗住要環境去遷就你,我想話其他地方或者會,但係呢度係無啲咁的事,唔該你咁大個人就諗吓自己有咩問題,唔好以為自己的情況係獨一無二,無人可以明白我,我有資格去燃燒我獨有的感情,所以可以去我行我素. 請你記住,係無啲咁可笑的事,玩夠喇,係時間收心養性.
呢幾日好俾心機彈琴,將海頓先生的Sonata in Eb major的第二個movement日夜狂練,係adagio e cantibile,雖然係慢的節奏,但係啲running一啲都唔慢,而慢版要求音色圓潤. 海頓乃古典時期開始的人物,你一聽他的音樂可以想像到他的為人,無巴哈的莊嚴,無莫扎特的跳脫,卻是一派慈父的模樣,平時待人温柔敦厚,文字可以騙到人,音樂卻無可遁形,當造藝去到巔峰之際,沒有李斯特的目中無人,也沒有貝多芬不受控制的感情,有的是一顆平靜的心,努力提攜後輩,可謂在眾多音樂家中更該受人尊敬.
文章定位：
