高熱＠Dennis｜PChome Online 個人新聞台

2005-07-30 23:13:52| 人氣29| 回應0 | 上一篇 | 下一篇

高熱

推薦 0 收藏 0 轉貼0 訂閱站台

病咗幾日,都唔知點解,不過我成日都會同自己講:報應,係天讉. 咁樣心裡面所有的唔愉快同疑惑就一掃而空,你地都可以試吓,不過我要事先聲明,呢招對於無咩做過陰質嘢的人唔係咁啱用,可能有反效果云云. 其實以前啲人有病,一定係話你邪靈上身,非洲的部族話生孿生子的婦人係妖魔托世,會把孖子和母親一齊趕入森林等死.

其實都唔使講都咁玄,可能係星期三游水晒到中暑的後遺症,一點半晒到四點半又真係中暑咗啲,第二朝起身己經喉嚨痛,不過都俾我捱到二點幾返學,開始自己感到有啲唔妥,等我撘地鐵出黎旺角揾Kwan的時候,直情係月台啲長椅度瞓.....不過都死頂落去,Michelle一見我都話我唔係好妥. Anyway,咁同kwan就去咗朗豪坊的MatchToo食tea,間嘢的位好近隔離,講嘢唔係咁方便,不過我又唔係好介意喎,我係喉嚨痛的時候重食喇沙,好彩香港的真係唔辣啫. 嗰度的waiter質素都好參差吓,我真係唔係好慣當你叫嘢的時候,個waiter對眼會瞪得特別大. 呢間嘢,嘛嘛地....

跟住的日子,我就同昏迷差唔多,一方面夜晚又瞓唔到,因為熱到成身出汗,但係又覺得自己好凍,想要多啲被,咁就越黎越熱,啲温度令到我完全瞓唔到,每隔兩個鐘就醒一次,早上完全無精神,辛苦到連行都唔想,個喉嚨又好痛,無論飲水,講嘢都係咁辛苦,所以我都知發燒係應該飲多啲水,但係每飲一啖都好辛苦嘛. 咁樣的情況就keep咗三日,啲燒徘徊係102-3度,有時會好彩咁番落100,但係之後又番回原位. 當我對位個mon的時候,除咗同W傾二句之外,己經唔會做任何的嘢,因為個感覺好抽離,好以視像會議咁,覺得啲字同隻手同自己....有好遠的距離.

明天我就要入夏令會,為期六日,至下星期五,所以會離開一段時間.
PS:唉,小鳳姐竟然唱到失聲,真係替佢担心.....

我要檢舉

台長： Dennis

人氣(29) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)