回了UST,因為無嘢做,更因為家中有人. 早上彈咗Haydn之後,便回去做gym,一開始便跑了2km,大約個半鐘後去了library借了兩本書,張愛玲的色戒和白先勇的孽子,就去了LG7食tea,大約五點,一面看書一面食tea,本來諗住六點走,點知俾我撞到呀麟,竟然兩個唔算熟的人傾咗成粒鐘,比起我地呢三年加埋的時間重長……
之後去咗CWB,你知有幾多人喇,但那裏還不是有那些常客. 真可惜,有些人還是那樣的不乾不淨,有些人還是那個日本look,還有…..最有趣便是有個做questionnaire的,做完之後有免費入場coupon,問的嘢好正常,最得意係有三條佢係唔知我答咩既,每條都俾兩粒糖我,黃色就代表係,紅色就唔係,佢一問完就擰轉頭,我自己放嗰兩粒糖入嗰兩個樽度,我好誠實嫁.
咁早番教會祈禱日(你地明白我的心嗎?),十點至兩點,為香港同教會守望,己經第九年了.之後三點半還回了去清潔,真的挺累的.但六點半還要出尖咀嘛,我同Tim先去了海運同海港城行,本來諗住八點去食嘢會少人啲,但係點知八點鐘有個烟花激光表演,我地係廣東道同海運nautica出面都睇到,跟住啲人先去食嘢,所以都好多人,最後去咗KFC,都幾好呀.之後意猶未盡,去咗寶勒行的一間叫Hippo Bar的地方飲嘢,半打Carlsberg chill,送小型垃圾桶,幾cute嫁,你快啲影張相喇,兩個人連nuts二百幾,不過都係嗰句,最緊要盡興同講到嘢,以friend的心態黎講嘢,唔好咩.
其實我今天知道Kuochi會去Search,我本來都有啲心郁,但係我都應該守吓本份嫁,係唔係?
--------------------------------------------------------------------------------------------------------------------------------------
他躺在我旁,我知道是最愛我的人了,在那刻,我發覺自己接受不了那份愛,我恨不得把自己剖開,把自己吐出來. 那殘障的身軀及心靈,和在每一個潮濕的空氣所釀著的氣息,承受著用刀刻出來蝕食生命的快感. 那時,我伏在那裏,一陣哽咽湧上,接下來是一場很痛的哭,不是哭得痛了,而是很痛快,似乎可以把身上的毒都排出來的.....醒來,四點九,似乎有一陣酒醒的感覺,知道是怎樣也睡不著的,就下去7,因為突然感到想食煙,上次己經係一年前的事了,但當我正想買的時侯,忽然發覺要買打火機,這個念頭打消了我所有食煙的心情,彷彿是那個padlock一樣,暗笑. 慢慢咁飲咗一支vodka希望會瞓得好啲. 走出7,一切和我入去時一樣,變的卻是天色,今夕何夕.
文章定位：
