Steve走了,在星期三的下午,應該會在八月尾才可再見,祝福他歐洲之旅事事小心,一個人實在比較悶同危險,而我係佢臨走前係UST琴房聚過,佢之前叫我彈幾首歌,很可惜大多都找不了歌譜,有的也看不清,(自己卻找了"死性不過"和"愛與誠"來彈)我地兩個識的基督教歌曲完全唔同,我教會係唱啲十八九世紀的嘛,所以嘛好似兩個年代的人咁,佢唱Twins我唱小鳳姐,唯一共同識的歌係"Praise the faithfulness of the Lord"
上int'l law,sarah買咗個Mcdonalds的開心餐,有個公仔叫"嘟嘟"送,原來可以噴水的,咁Hildy係break的時候就一齊落去買多隻,一齊係LG5玩水戰,不知幾開心. 令我我諗番係以前玩O camp水戰的日子,不過梗係以家開心好多喇.
和Kwan去了銅鑼灣食嘢,其實我六點半己經去到,咁我睇吓附近有咩食,本來我想去eve&adam,但係天氣唔好,睇唔到夜景就唔去囉. 點知佢好可惡咁要成七點四先黎到,咁我就話去Lee Garden左右的地方,因為有間日本嘢"石源"真係有d貴,所以去咗一間叫Orphee食法國嘢. 佢本身己經無咩人,成日好似俾人睇住咁,最好笑係我地一坐低,佢就攞個好大的木牌黎放係度話有好介紹. 我地叫咗個full course(帶子飯,湯,三文魚同一個好騎呢的pudding),同四個小食(牛肉烤餅,軟穀蟹,牛油飯同Garlic bread),其實啲嘢食就普通喇,環境都普通,不過個waiter都算幾好禮貌,同埋係四百蚊都算中價. 我係食咗好多嘢,因為Kwan淨係食咗四個小食的一半,其他所有嘢都係我食囉.
好開心Kwan係一個咁通情達理的人,等我重咁驚添,哈哈. 總之有人明白己經好好喇,唔需要其他. 我地跟住去咗time square行吓,但係大家都有啲攰,所以好快就走. 唔得吖,Kwan,我點都要同你去旅行,正如Tony所講,去咗先算.
ps:無聊上網揾吓,原來Orphee係希臘神話的God of Music. 同埋係王家衛拍"花樣年華"慶功的地方. 等我今次做蔡瀾,介紹吓喇:銅鑼灣開平道1號.
文章定位：
