因為我知道在家中我温唔到書,所以番咗科大,哪知星期三其實係我地last chance一齊番學的日子,真係. 不過我番到去都係去咗gym room打躉,嘛又俾我撞番靚仔同龍舟隊班人,其實黎開啲人真係日日都黎,考試都係咁話. 之後上咗去Libra温一陣之後就去咗LG5食tea,因為考4:30-7:30嘛,我諗以後都無機會係LG5食$10tea喇.
正如所料,Brian遟咗廿分鐘開考,出啲嘢其實都識既,不過最衰佢係random俾份,識唔識都一樣. Brian夠鐘時講呢三個鐘就好似你地呢三年過得咁快,竟然俾佢講咗啲咁感人的嘢添. Anyway,我同Kwan, Steve去咗旺角一間叫北之家族,係波鞋街附近的日本嘢食,係100蚊任食個半鐘,我地點咗好多炸嘢,一開始又食壽司食到飽晒,之後有人狂食刺身,又食牛肉窩(其實我成日覺得日本嘢係呢個Sabusabu最好食),真係飽到上心口,好在個火熱動感lalala無黎咋. 我地係呢個半鐘裡面就係度玩估歌仔,因為佢專播兩三年前的舊歌,所以我估得好快嫁,因為我個時日日去唱K,唱到首歌係邊頁都記得囉.
其實我唔想咁快走嫁,所以我嘛叫咗Harris出黎太子飲嘢囉,我梗係唔會同佢去啲Chiam先生會去的bar喇,我本來想同Steve去嫁,因為我知道佢都想飲嘛,但係又唔可以飲得耐喎. 所以嘛同咗個唔係好想的人囉,其實有啲我想飲的人都唔會同佢地去,因為我係唔會叫弟兄去唱k或者落bar.....Heinekin好好,越黎越覺酒味濃的Corolla唔好飲.
回家,沖涼,等AC點羸利物浦,上半場馬旬尼1分鐘己經入波,跟住成場佔晒優勢,利物浦連波皮都掂唔到喇,基斯普重連入兩球,而第三球Kaka傳俾佢,佢finish得超靚. 點知......真係唔高興喇. 如果歐冠可以俾啲咁的二線球隊攞,咁攞唔攞都無咩意思,都唔係皇馬巴塞祖記嗰皮波,簡直係球壇的悲劇,唯一可以平衡番呢個球壇畸形發展就係佢20年都入唔到歐冠,或者全隊人撞機X家富貴喇.
又去咗Libra讀Mastepieces,我草擬緊我明天考的draft,應該會寫Discrimination或著Alienation. 夜晚去紅磡,同順達講講吓點知係錯月台等添,好白痴. 完咗之後一齊番黎長沙灣食米線.
文章定位：
