Tony,我想同你講我仍然好想keep住你呢個fan,因為今個sem淨係得堂huma一齊上,又無機會一齊飲茶食飯,感覺真係距離遠咗好多,雖然我知道係你心裡面唔會咁諗,但係我覺得你第時係pwc應該同我距遠會越黎越遠,唔知點解,今次一打日記就諗起你.
早兩日,心情跌落谷底,極為煩燥,容易爆粗,四點幾重online閒遊,其實完全無嘢做,都知道要早起身,但係好唔想瞓,呢排就係咁,原本以前三點左右己經瞓,而家就死都唔瞓,淨係知自己好唔開心,人地話瞓覺可以逃避,我係唔得嫁......討厭一切的作息,我最後真係忍唔住,同完一個啱啱考完a level的人icq之後,出咗去.....飲嘢,我知道大部份都應該打烊,所以係落咗7囉. 點講呢,我做緊咩,連我自己都唔係好知,我淨係想....
星期二我huma presentation,我講我呀公的事蹟,都幾搞笑嫁,佢本身行船,竟然之後開理髮舖做股東,又過咗美國開餐館.....夜晚一個人對住個mon睇Ac Milan對PSV,其實兩隊五五波,但係Shev的把握力極力,而最後湯馬臣又幾好彩咁入番球,咁就2:0,場波可觀性都幾高. 星期三341present,係講anti tax avoidance,我地gapian梗係搞笑喇,我扮Mr. Pong,俾Jeremy殺咗......我重借咗條黑呔俾佢扮殺手,重有Steve的客串,成班都好奮興,我最鐘意係娛人自娛. 之後同Steve同Kwan去咗荷里活麥記食嘢兼避雨,之後就番查經,回復從前一個人返的感覺....夜晚睇liverpool v cheslea,利物浦係輸人兩皮波,作客唔落後幾好彩,不過比起ac就悶.
今日為咗交341功課番學,順便上一堂masterpiece,番學時撞到ken,佢話佢己經唔再揾工喎,好攰,走時撞到allen,佢係有DBS,JP Morgan重有Morgan Stanley offer囉,佢講完之後我真係唔想講嘢. 四點鐘去到PKF見工,一開始做summarize一篇文章,之後係個有無敵大海景的conference room同一個manager in,都成半個鐘喇,有問我點解堂年會考重考bio同再考中國文學,又叫我用國語講在內地實習時做了什麼.....都唔知得唔得呀,希望得喇.
之後撘電車去銅鑼灣,去咗Sogo,我買咗罐sapporo啤酒試吓,都幾有酒味,sogo啲波鞋款都唔錯,而我地又去咗時代廣場,見到食物中毒89人的金象苑,最後去咗食元氣壽司,都幾ok,我話啲sake.
可以攬住一個人,依偎係對方身上,訴說心裏面的說話,真係好開心好舒服. 我重覆咗三次"人....真係好寂寞...." 我淨係識得講,我好唔開心..好唔開心.....做咩都無心機無意義.....我覺得我喊的機制己經壞咗,不懂哭了.
文章定位：
