擘餅的時候我真係忍唔住,我自己都估唔到,但係真係.....唔知點解上星期海明講完全的愛浮現番出黎,覺得真係好虧欠,主從來都無同我地計,一開始就己經無計,雖然係最有資格去計,但係我地就咩都計一餐,驚死自己蝕咗咁,尤其是我喇,一路知自己係咩嘢人,做緊咩嘢,真係成日都好憎好討厭自己 無話何說,我係喊到虛脫. 去咗飯堂食飯,不過我真係唔係咁鐘意,因為環境唔係咁好,啲人又講粗口,電視又播埋啲唔好的戲.
食完飯之後本來都諗住番屋企,但係又想見吓考緊試的偉文,嘛去囉,點知行行吓就行埋去順達屋企,都ok遠,佢嘛係度温pastpaper,我就睇番以前a level的範文,都幾好睇,今時今日我己經作唔番呢類文,去到五點幾我就走喇,來來回回行成個幾鐘,著皮鞋真係好辛苦.
星期一上咗一堂九點堂就同同學仔打羽毛球,係我第一次係科大打,因為少打,都容易攰,anyway,同steve食飯後我去琴房彈吓琴,我特登帶咗"安靜"的譜去彈,係好耐以前print,不過一直都無彈過,之後上libra睇報紙,遇到harris,佢叫我應該買吓啲石油啲股,我都覺得係,不過我都係諗住繼續長攞住匯豐(今日終於上番125,升0.5賺咗200),之後又落gym room同人吹吓水.
出咗旺角,點知發覺自己無錢,嘛費事睇嘢囉,直接由潮流特區行咗去九龍城廣場,大約四十五分鐘喇,都有少少攰,同carman食飯,我地去咗以前我地去的洋一食日本嘢,我唔使諗都會叫咖喱海鮮飯,carman叫辣泡菜拉面......之後又去咗麥記傾計,我覺得你答得好好,係我自己傻,但係.....我唔知點講,我真係覺得你好好
星期二去北角interview大新銀行,gp discussion七個candidates,五個科大兩個港大,個題目係揀一個接受洗腎機,係ethical的,都幾得意,不過我表現唔特出囉. 之後一個人諗住去旺角/尖咀,最後去咗旺角,重撞到廣昌,我地嘛一齊行囉,我都見到幾件衫幾好,langham place有件背心唔錯,paul smith拖背都幾好......
我覺得自己好醒,係masterpiece mid term攞A,勁過啲exchange同global.
文章定位：
