主日,我想這個是我最難過的一個主日,雖然係可預計的,但真係......我係負責司事,所以要七點十一番到去,都有不同的事務,不過都唔算繁重. 本來,我以為事情會係擘餅之前宣佈,但係林生無咁做,但係因為呢一個重担,連擘餅都彷彿提不起勁來,其實過後諗番,覺得林生咁的安排好好,如果一早宣佈,試問又重有邊個有心情去讚美,所以敬拜係唔可以受到影響的.
信息坐最後的我,係因為之後要負責會後收執詩歌,第一首係"聖哉聖哉聖哉",彷彿為宣佈揭開序幕,再一次宣明神係位聖潔無比的神,之後的一首的第二節"人呀,你愛何物就像何物,愛土,你若愛土......"也似乎傳遞緊某啲信息(可能我敏感). 林生一開始講因為有嘢要最後宣佈,所以要將其他事項宣佈咗先,信息關於啲咩,我己經唔係咁清楚,因為我個心己經唔係個度. 十時五十一分,先從歷代教會的外憂內患講起,使徒行傳中的外界的逼迫及教會中的欺哄聖靈,係每一個地方每一個時代都有......那一刻......我覺得己經係最好的處理同交代方式....那一刻,我好記得,坐我左邊係國寶,右邊係向華,而台上的林生,己經說不出話來了......那一刻,我想像到各弟兄姊妹的心情,那種驚愕,傷痛....那種的飲泣,係受了傷的飲泣,今次真的傷得很重,我傷得更重......那段禱告,係一段絞出來的禱告,痛哭,每一句都入我的心.....那不是一個人的事,而一個肢體受傷,全人都會痛,家裏一個人有事,又點會有人舒服呢
第一個同我有眼神接觸的係燦明,那時我正在收執詩歌,佢問我使唔使早啲返屋企温書,我話唔使.....第二個係肇軒,之前一晚其實我有同佢講我受傷害,佢因為忙都要走先,係電梯前我同佢點一點頭,從佢眼神中我知道他明白了.....我還是要繼續我的責任,更要分發入營證,最後一點幾才把最後一張交在淑珍手中,工作才完成了. 知道我會看你日記的那位弟兄,我明白你行過黎想同我講啲嘢,我都明白你唔知可以講咩,我都係,所以我先問你番唔番查經,你的心意,我明白.
番學,上完堂acct221就出咗去同Kwan,Tony,Hildy同至愛的Sarah一齊唱K,十二點去到CEO Neway,感激Hildy己經開咗房. 其實我本身唔係好想唱,但係Hildy叫咗我地成幾個星期都無人理佢好似唔係咁得,所以都俾吓面喇. 真係估唔到我同Kwan之前未一齊唱過K,而我同Tony就兩年前Re U唱過,我同Sarah就梗係貴州的銅鑼灣夜總會喇...... Tony至適合唱麥兜同苦榮的歌,而我同Sarah成日製造gap位,Tony你唔使旨意可以同我掙Sarah,你睇我地唱好好戀愛幾好就知喇. 跟住出咗去LCX同DFS,最後都買唔都Gap soc T,因為背心未出爐.
如果你覺得我唱K過份的話,我想話我唔唱重過份
文章定位：
