星期二又去咗游水,係未去過的荔枝角泳池,咁係去之前去咗尖咀,買咗頂靚靚的arean泳帽,白色,可以燦死人. 之後係尖咀食咗個靚lunch之後去游囉,好似無咩氣咁,幾百米又停吓,不過太陽唔錯,所以都晒咗陣太陽,係成半年無晒過喇,不過好恐怖囉,有個呀叔成日眼甘甘咁望住我,游水又跟,晒太陽又跟,連換衫都跟,正一死基佬. 不過我係唔會改的,我係要著arena finalist呀......
首先講吓過年的嘢先,上年我係內地,今年係香港,年初一去咗探我呀女麻. 佢主係太古,咁去咗大約成三個鐘,食糕囉,同咗親戚吹水,有條友成日講佢個仔今年考alevel,又揀咩科,好煩呀,我鬼記得咁多嘢咩. 之後好遠水路去咗荃灣,探叔婆,我舅父識包餃子,好勁,重炸俾我地食,我都食咗成五六隻,之後重要出番去第二度探我叔公,佢七十幾歲,但係能知天下事,連大陸公司黎上市都識
今日,九點鐘去咗荃灣,因為要同教會啲人一齊去行山,咁都有二十幾人,而偉文真係未瞓醒囉,我都估到,但係卓智遲黎又真係估唔到. 我地撘小巴去到城門水塘,然後都要行成二十分鐘先到真係門口,中間經過水霸,不過個金塘而家無咩水......我地本來諗住上針山,草山,跟住可能去沙田或大埔,但係一開始上樓梯,己經有人唔係幾舒服,重話未去到針山山腳添,其實我地上咗都有一百米喇,啲風境都幾靚嫁,不過都塵該折返的,無謂勉強. 咁嘛轉咗繞住個水塘行,都要成三個鐘嫁,不過就全部都係石屎路,但係都有啲驚險,因為都有唔少馬騮,不過我地咁多人,都唔使驚,重去咗一個叫"食雞翼"的地方,都幾搞笑. 己經成三點幾番返荃灣,去咗飲下午茶,真係飲茶喎,之後又要趕番屋企,因為有親戚黎咗.
新年做咗啲咩應節呢,第一就係出咗去行花市,係多人都笑,大到笑的維園花市,雖然我唔鐘意多人,但係又鐘意起哄,所以嘛去吓囉,我自己就一定唔買嘢的,最緊要都係一齊熱鬧吓啫,不過天氣唔係幾好,最憎濕濕漉漉......但係放煙花就唔同呢,天氣不知幾好,雖然我係尖咀都被人遮住晒,都唔係咁睇到,但係無所謂喇,下年真係要睇就要訂啲無敵海景餐廳囉,應該北京道一號aqua幾好,同Felix差唔多,可以試吓.
文章定位：
