星期四考咗科acct 351,要早上點半考,簡直係謀殺. 我同Kwan要七點半係太子地鐵站往調頸嶺的月台等,一齊返學. 未出彩虹就撞到Tony,出到去小巴站多人到去消防局,咁就同兩個唔熟的acct人一齊撘的士番科大. 嘩,有成七大題MC,仲有六題long question,而題34分的裏面我有30分係唔識的,好笑. 不過正如我所講,我點會俾呢啲嘢影響我放假mood,成績對我黎講簡直唔係嘢. lunch同Joe, Jessica, Tony食,知道Joe會delay到一月中先走,好嘢. 可以一齊出黎行街食嘢. 之後係libraray温書,又撞到Nick,咁一點鐘就入咗去間海景房温(西頁的海景真係靚過維港多多聲),都OK effective,重討論過一題會係今日301出的題目(貼中). 去到成十一點先番屋企. 係我好攰的時候,打番電話俾肇軒,知道主日有福音日預備會,不過我真係好攰,但係番到屋企又好精神,成四點幾先瞓.
今日特登唔早返UST,因為要留係屋企睇新楚留香大結局,(我係唔係好無聊呢),之後先番去做吓樣温番兩個鐘書,本來諗住去同Tony温,但係當我還上個禮拜借個隻CD的時候,撞到Steve,咁嘛同佢温囉,成層LG1都係acct人,連Irene都係度,而Steve己經温到傻咗,坐咗係地下度,之後我陪佢落咗LG7飲咗杯hot chocolate俾佢定吓神. 份301好淺,不過自己有啲嘢温唔熟,所以應該無咗10分. 之後同Kwan,Hildy,Steve,Tony一齊去彩雲一間大排檔食飯,咩我未去過大排檔好出奇咩?我屋企人同我自己都一定唔會去. 其實環境真係嘛嘛地,我同Kwan就要習慣吓喇. 不過啲嘢食都OK,有唔椒鹽的椒鹽九肚魚,又係沙爹牛肉粉絲煲,重有煎蚝餅.....Hildy叫咗枝白痴的哈爾滨啤酒,Tony之後又叫咗枝喜力,連唔識飲的Steve都話喜力咁有酒味既. 之後一干人等出去尖咀,本來諗住去Starbucks,但係星光行同海港城都爆人,所以最後去咗.....McCafe. 大家飲的Frappe都唔好飲(同Starbuck 的Frappaccino無得比,我對咖啡無咩研究)所以我都係好保守飲呢個Latte,點知飲飲吓有隻小強係牆度囉,真係好唔得. 傾到咁上下大家都要歸家喇,我就同Kwan撘程巴士喇,傾咗好少嘢咋,真係要再出過黎喇.
感覺Steve無咩講嘢,因為佢唔習慣一班人一齊講嘢,同埋我地啲題目都唔啱佢,我同佢講信主/職業的嘢的時候,大家就講緊聖誕party同fancl house的問題,都無辦法喇. 咁係唔同吖嘛,我都話啫,講咩都啱既,所以都係下次再約你單獨傾偈比較比較好啲. 我可以成日係科大游水,做gym,彈琴(係有三角琴),睇書.....所以揾日同Kwan, Hildy, Steve 一齊去indoor swimming pool浸吓水先.(Tony唔知去唔去呢?佢好似無咩興趣).
文章定位：
