咁又過咗星期六日,個個星期都等呢兩日,就好似開sem等個sem完咁,而開心的時候係過得特別快.但係過程中雖然辛苦,時間都係過得咁快,所以做人真係好快就玩完.
青聚係講Samuel的概論,自己其實己經開始咗睇五六章,之前自己又睇緊2 Chron,所以都ok熟悉,突然發覺Samuel應該係以法蓮人定係利未人呢? 其中真係有好多值得去睇的地方. 係一個士師記咁黑暗的時代,神仍然能尋找到清心的人如哈拿,波亞斯,反而係自己的殿中得不著該得的事奉. 以迦博-一個好震撼的名字,我好記得以西結目睹神的榮耀逐步離開以色列(Eze 11)的情境. 求王一事中神雖然不悅,但神的容許所帶出的意思更值得去思想:Hos 13:11 我在怒氣中將王賜你、又在烈怒中將王廢去......所以應好好去讀,更應好好去想.
今日唔想番學,好累,所以遲咗一個鐘,番到去十一點上咗下半堂,跟住同Tony係LG5食飯,點知撞到Steve,樓下LG7有singing contest,好嘈. 上咗堂b Law tutorial,個Thomas Ng好廢,擺到明唔想教,派咗份quiz,普通喇,如果我唔係死到要撞,我諗應該高幾分. 之後上番今朝無上個堂的上半場,不過上上吓瞓咗. 之後同Joe做gym,佢係以前有做開,好勁. 重同佢食tea/dinner(睇吓你點睇喇). 我同佢傾咗好耐,我話錢唔係咁重要,一個人有咗錢就會更吝嗇,有錢同無錢都會有問題......佢講咗好多嘢,但係我想記抵的係:幫人,尤其是你好想幫某一個人,但係你自己都無能力去幫,係好痛苦. 我好同意,自己買唔到某啲嘢好閒,但係當你想幫你所愛的人的時候又咩都做唔到,真係想死......我之前上河南係信陽做compliance test時,有個中移staff叫小黃,佢本身鐘意一個女仔,但係個女仔有一種病,係要好多錢先醫到,佢地的人工一個月得一千幾百,根本永遠無可能幫到佢......呢一刻我諗番,都好記得佢同我講的時候的心情有幾痛苦. 不過我唔認同佢話揾多啲錢黎幫人重好過做義工的講法,第一.有好多人需要即時frontline的support,並唔係你的錢就可以解決到.第二,我始終覺得賺咁多錢係自私,係攞黎威俾人睇.第三,神俾你幾多就有幾多,隨時隨在都能夠知足.
佢十二月二十一日番美國,我而家己經唔拾得佢. 佢問我做唔做佢份part time,我係好想做,但係又驚自己做唔黎,因為自己啲英文始終未夠班.不過我會試吓,send份resume同見吓佢地既......講開UBS,我哥做個間里昂今年贏咗UBS,成為Asia best broker,人人有個奬座.
文章定位：
