我本來打咗半個鐘的日記,竟然突然無晒,所以要重頭打過.......
主日黃永祥先生講大衞對哥利亞,從一個新的角度去詮釋,有三種沒有出戰的人. 1)掃羅,是王,有戰衣.戰衣乃責任,王乃神給佢的地位,掃羅之所以為王,難道沒有理由的嗎?(以斯拉之所以為王后,難道不是為救以色列民嗎?)神放我們在這個地位,難道是徒然的嗎? 2)大衞兄長,掃羅不去作戰,他們也不去乃人之常情,但道批評大衞心中有驕傲和惡念.難道我們自己做不來,神選召其他人做我們也眼紅?難道我們不能放眼於神的國度? 3)眾人,他們不止懼怕逃跑,更回頭評論那些作戰的人.稱他們為"以色列"人,彷佛自己不屬於似的,難道我們不是以色列人嗎?為何打仗的時候可以置身事外?
我之後同肇軒彥俊傾吓啲學業同工作上的問題,我之後都因為要讀書,所以早走.買咗一本上行之詩,另一本叫螿荒王后.
星期三9:15我interview Big4 其中一間Ernst & Young.個女人好nice,仲好笑容過我,除咗問我resume的嘢之外,又問我鐘意乜音樂,學琴啲嘢.到我問吓佢工作咗十幾年有乜咁大滿足感時,我諗住都差唔多完,點知佢又捉番我問KPMG同EY我會揀邊間,我死人都答EY喇,因為係IFC上面嘛.(我當然唔係咁答喇)咁又話我secondary school is a great school in Kowloon City,又識有swimming pool,又問我係唔係填鴨式教育.咁就成大半個鐘,最後佢講咗句"hope to see you in EY in the future"都令我安心啲.
星期三重係Kwan生日,咁佢男朋友仔jeremy一早叫我地同佢係classroom度玩過surprise birthday party,咁我早一日己經將個送俾kwan的公仔放入我locker度,點知重要勞煩我同Hildy去Hall3雪櫃攞蛋糕,我咁大個人到係第一次著住皮底的皮鞋跑,重身水身汗咁去攞公仔,如果唔係呀kwan同jeremy,我真係唔會理.Jeremy竟然好失敗咁唔記得帶打火機,咁我地嘛用手提電話的光黎做住先囉,真係搞笑.其實我唔係好support呢個party,因為我覺得Kwan唔係咁buy,不過jeremy鐘意,我嘛順吓佢意囉,咁我地睇埋jeremy咀kwan一幕就識做走人,我就番教會查經.
今日考試,不過之前我都係去同Tony,重有壽星sarah一齊飲茶,我地重chat得好開心.我考試都唔係好識答啲essay,不過我都無乜所謂.我唔識都早走,同Joe, Hildy一齊去又一城食意粉屋,我地真係好似好熟咁,其實每個人我都淨係識咗一個月左右. Joe原來係UBS(瑞銀)做喎,都好型喎......三個人咗一個regular size pizza,一個意粉加個飲,都係每人70蚊,好滿足.
幅相係是日壽星Sarah.
文章定位：
