出院＠Dennis｜PChome Online 個人新聞台

2004-07-28 01:48:40| 人氣38| 回應0 | 上一篇 | 下一篇

出院

推薦 0 收藏 0 轉貼0 訂閱站台

好累的一天,但完成了許多的事,感謝主.

四時多才睡覺,因為打三國誌十,正如我的同學"南蠻"所言,我們每一個玩的人都有自己的情意結,而我就是一個偏愛周瑜的玩家.

上堂,不過無聽過書,因為我的進度一直係lead住professor一課的. 跑步,不過今日有啲辛苦. 做晒deferred Tax的exercises. 睇咗經濟日報同Times(份SCMP俾人霸住咗)

彥俊弟兄可以五點九去到坑口地鐵站,我好似係第一次係坑口撘地鐵,結果我們比預期還要快便去到中環A出口,燦明弟兄,惠如姨姨和我們一齊撘55上瑪麗,在車程中,我和惠如講及了我快畢業要揾工的難處,認識我的人都明白我唔想做audit firms,雖然好揾,但係辛苦,一個淨係得個做字的人生真係.....更加係嚴重影響聚會同靈性,所以我apply之前一定要好好求問主的帶領.

一入病房,肇軒似乎比我上星期探望時還要腫,其實一個星期做兩次手術,要將口腔同骨再次剖開,真係......不過弟兄看見有許多人探望他,似乎很有精神,也喝了不少"糊"同湯,正如彥俊所言,我們都不知說甚麼好,安慰的說話我是不用說,因主己是他的力量同幫助,(我就係一個咁的人,永遠唔開口安慰人,只會聽同陪伴人),醫生說他明天就可以出院,我一聽之下感到很快,但一想到弟兄在醫院睡得不好,而詠恩姊妹又辛苦,他回到家應該會休養得好好多.感謝主給我們今天探望弟兄,如果明天探便沒有人在了. 當我們離開時,肇軒竟然會走出病房向大家講再見,我都有啲驚訝.

除了燦明弟兄之外,大家都到醫院大家樂食嘢,見到彥俊無食啲菜,佢話有虫喎,從而引發起一干人等討論一個人體內有虫的電視節目,好恐怖,我之前半夜睇電視睇過類似的嘢. 八點半便離開了,我同意感覺上好似有啲早. 今日和彥俊談了很多.

回家之後十點鐘去到松記和Ben食糖水,其實我係食湯圓囉,唉,我覺得做人應該踏實啲,買股票應該係投資,唔應該當係主要收入來源,凡事都應該適可而止,感情都係一樣.

我要檢舉

台長： Dennis

人氣(38) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)