茶餐廳睇波記＠Dennis｜PChome Online 個人新聞台

2004-07-06 01:30:56| 人氣45| 回應0 | 上一篇 | 下一篇

茶餐廳睇波記

推薦 0 收藏 0 轉貼0 訂閱站台

歐洲國家盃其實今屆我無乜特別期望,都係諗住睇吓啲傳統勁旅同球員,不過越睇越覺得Czech有冠軍相,尼維持,真高拿同巴路士都幾好態,但係點知俾隊魚腩希臘趕走咗,仲funny到踢決賽對番揭幕戰對手Portugal,真係再戰光明球場.
第一次落茶餐廳睇波,以前唔係屋企睇就會落bar睇,今次同順達永鴻佢地係長天對面間金百利睇,真係幾新穎喎,佢地成12:30就去到霸定十個八個靚位,跟住就食吓嘢,打吓牌,吹吓水,由於我患有先天啤牌麻將學習障礙,所以無法參與其中,不過睇吓佢地同個撘訕的小巴司機玩,都好開心喎. 個阿伯睇到我食嘢之前祈禱,話我係信教喎,真係好喇.但係佢又話點解有啲人無祈禱既.......我都唔知點答佢添.
上半場雖然Portgual佔大部份攻勢,可惜都無功而還,原因都係影子殺手-Pauleta累事,希臘有時啲反攻都幾凌厲,同對閘對幾快喎. 最神奇係餐廳外有好多人一面用報紙抺走glass上的水氣,一面莊餐廳內的電視. 中場休息,有啲人去廁所,雖然我都有啲想去,不過太遠喇,所以忍吓先,其間文輝問到我地聚會的時間喎,其實唔一定要去晒,basically,每星期日番9:15-11:30左右.下半場,希臘憑著第一個角球入波,Portugal啲後衛簡直累鬥累,之後C.Ronaldo屢失戎機,Figo力不從心,Rui Costa以為自己打Ruby,成日射個波上三樓,Nuno Gomes進場己經為時己晚,希臘大打守勢破壞式足球,把比數維持至完場.我地係差唔多最後個台走,因為廣昌同永鴻都好想睇晒捧盃先走,真係貫徹始終.我大約五點半回家,六點左右瞓覺.
不過八點鐘醒咗又瞓唔番,唯有返學,點知上堂超精神,好似啪咗嘢咁,平時都無咁專心.同Nick食飯,本來諗住係UST做埋gym先走,點知自己著拖鞋唔玩得,唯有番Cali做喇.

我要檢舉

台長： Dennis

人氣(45) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)