24h購物| | PChome| 登入
2007-05-07 02:24:38| 人氣68| 回應0 | 上一篇 | 下一篇

２４／０４　池袋最後一日

推薦 0 收藏 0 轉貼0 訂閱站台

今日訓得好晏，哈哈哈！我地成９點幾起身，之後執好哂Ｄ野，就走去ＣＨＥＣＫ－ＯＵＴ喇！仲放底哂Ｄ行李同埋買左今日既３點車走添！尋晚約左佢地２點９地下ＬＯＢＢＹ等！

之後由我地酒店行番去果道喇，沿途有好多藥妝鋪，岩岩開門！但係尾日既我地冇諗過再買野！
攪掂哂我地就出發去松屋食早餐，亞浩話呢道係最好味既牛肉飯！我地４日來都冇食過，梗係尾日食啦！呵　～～　早餐食呢個會唔會過份左呀．．．係唔會架！因為我地都真係食得哂！哈！
我地上次黎東京都冇行過ＴＯＫＹＯＨＡＮＤＳ，今次梗係要行番啦！
一上到頂果層，好開心呀！又係賣Ｄ關於ＰＥＴＳ既野架！原來入面又有一間貓館架喎！不過我地．．．冇哂錢喇！唔可以去喇．．．只好留待下次啦！
之後由頂開始一層一層咁行，去到文具鋪好開心呀！我呢個筆怪見到好多我鍾意既筆，我叫亞浩買．．．唔俾我買囉！哼哼哼！因為支水筆係可以用佢個筆尾黎察甩佢架！〔佢答我香港都應該有啦，但係實際上，我地番黎香港之後係有搵過．．．冇架！哼哼哼！〕行完喇，ＴＯＫＹＯＨＡＮＤＳ俾我既感覺就係一座ＤＩＹ大廈，真係乜都有！

之後我地要去食晏喇，我其實都真係好想試廣島燒，但係．．．最後都冇試到！我地又去番食壽司！抵呀嘛！

埋單果時好好笑，個哥哥仔話完我地知幾錢後，突然講廣東話問我地好唔好味，亞浩既反應仲好笑，係答番佢日本”好Ｅ思”囉！哈哈哈！
之後亞浩買左個ＰＡＮＣＡＫＥ食，我．．．未好得哂！放棄算喇．．．

一路行一路食，我話不如去西武地下Ｄ食品市場睇下有冇廣島燒等我了左個心願，亞浩話好，因為仲有時間。

點知．．．行左幾間大型百貨既地下都冇！因為好唔開心！因為尋晚佢地好累冇出去食飯，都係去呢Ｄ買番酒店食，而芝話我知有囉！唉．．．我個心願了唔到呀　～～～　放棄喇！夠哂鐘要番酒店等佢地喇！
佢地黎喇，原來唔夠時間呀佢地！個個買哂野食番黎食，哈哈哈！之後佢地話我知，原來頭先ＪＲ左住佢地成半個鐘！唔怪得啦　～～

之後我地好快咁就上左車喇，原來架車都好耐架！我訓醒左２覺都係未到，之後成５點鐘先到機場！

之後我地亞浩就一馬當先咁搵番個ＣＨＥＣＫ－ＩＮ入口，等大家唔駛周圍行啦！〔後尾先知原來ＶＩ同公主為左呢件事有少少嬲我添！希望大家諒解，我冇諗過掉底你地架！只不過都要知道邊個位入，大家先方便架嘛！ＳＯＲ呢！〕搵到入口後，我通知芝話俾佢２個先，原來佢地已經放緊野入O急喇！再黎就係要掉水喇！因安全理由唔俾帶呢！

入到去ＣＨＥＣＫ－ＩＮ排左陣隊，冇幾耐就到我地喇！嘩　～～　真係超重呢！好在我地可以５個人夾埋磅數用！你話我點可以掉底你地．．．好多錢咩．．．

之後我地就上左去商場道行等時間入去等飛機喇，我地見仲有時間，當然唔死心既我，都係想搵下有冇燒餅食啦！但係．．．都係冇囉！激死人！之後我地就決定都食Ｍ記喇！

可能亞浩見我冇得食廣島燒，佢唔理我依家叫乜咁！哈哈！我最後決定叫一個蝦堡既餐！還我第一日既心願！好好味呀　～～～　好脆好爽呀！
入閘喇　～～～　因為我冇水唔得，就叫亞浩買支水俾我，點知原來我地未過海關，水都係唔俾帶．．．咁就蝕左支水喇！激死我！

差唔多到我地照Ｘ－ＲＡＹ　ＣＨＥＣＫ袋，突然有２個日本妹同我地講日本，之後我用英文答佢！佢就用好簡單既英文話佢地已經遲到！咁我就讓佢地先，點知．．．我地後面好似有Ｄ唔ＬＩＫＥ囉！不過我理得你呀！
我地入閘等上機喇，好開心今次架機又係唔滿，好多吉位！我地又係訓訓訓等食野啦！

今餐有呢個牛肉薯仔飯！唔錯架　～～
呢程機仲有亞浩最愛既汽水　～　青檸雪碧！唔知點解依家香港買唔到喇，之前我地吉之島都有買過．．．但係依家冇囉！〔買到果Ｄ仲係細細ＣＡＮ黎，而飛機上呢ＣＡＮ係大架囉！〕

我地大概１１點半就落機喇，好順利未夠１２點就已經出到去，我地一出飛機已經ＣＡＬＬ送我地黎機場既司機哥哥，點知佢話依家食緊飯，要我地等佢，同埋價錢又無啦啦加左價囉！最後決定唔要佢出的士站果道搵ＶＡＮ！

點知．．．去到的士站見到架警察車．．．都心知不妙啦！一架ＶＡＮ都冇呀！衰到死！之後我地就決定坐巴士喇！芝就獨自一人回大埔，我地４個就坐ＬＡＳＴ一班既Ａ２２回家去　～～～

我要檢舉
台長： 夜貓貓
人氣(68) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 2007年東京之旅 |
此分類下一篇:２５／０４　旅行深情
此分類上一篇:２３／０４　築地．台場．上野．池袋　之旅　～　３

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文