24h購物| | PChome| 登入
2007-05-07 01:45:57| 人氣128| 回應0 | 上一篇 | 下一篇

２３／０４　築地．台場．上野．池袋　之旅　～　３

推薦 0 收藏 0 轉貼0 訂閱站台

我地坐車番去汐留，再轉車去上野，大概大半個鐘到左上野喇！
首先我地去呢間玩具鋪先　～～　又係全座架！ＹＥＡＨ　～～　入面真係好多玩具呀　～～　好多野睇！我又有收穫喇！哈哈哈！
之後我地就去搵我地既手信鋪喇　～～　原來間鋪係街尾呢！不過成條街都好多野睇呀！唔錯　～～

我地搵到伯伯鋪頭喇，果然價錢都真係唔貴，我首先搵左亞媽要我買既野先〔番到黎香港我先發覺我．．．買錯左呀！亞媽要我幫佢買ＷＡＳＡＢＩ餅，點知我買左ＷＡＳＡＢＩ尤魚俾佢．．．做哂〕，之後我仲買左包ＷＡＳＡＢＩ豆添！亞浩買左好大包既帆立貝！

之後我地就搵二木之果子，去到原來一個超級市場搵架！亞浩表妹叫佢買個香蕉蛋糕俾佢，咁我地一去到梗係搵左先啦！佢淨係話我地知一入到去既右手邊既地下．．．我地勁搵都冇！佢又冇話我地知原來有２間大鋪，我地過對面大鋪再搵．．．終於搵到喇！但係得２個咋喎！哈哈哈！咁咪掃哂佢囉！之後連ＡＶ叫我地買既青蘋果糖都攪掂喇！ＹＥＡＨ　～～　仲有意外收穫添！就係烏冬喇！哈哈哈！
鋪頭門口有一間生果鋪，見到８００ＹＥＮ有４盒士多啤梨，我梗係唔放過佢啦！因為聽日唔去築地嘛！一路行一路都好多野睇，開始覺得唔夠時間行上野唔抵呢！哼哼哼！因為我地仲有下一站秋葉原呀！
呵！我地坐２個站就到喇，真係好快！我忍唔住喇，一定要食盒士多啤梨先得！哈哈哈！

食完之後我地決定租個ＬＯＣＫＥＲ放底哂我地買既野，都幾重架！之後成個人鬆哂喇　～～　ＹＥＡＨ！

開始行呢個秋葉原，我地睇書話有２－３扭蛋鋪，咁我地梗係去搵下啦！又行到好遠先搵到呢間，入面真係好多蛋機呀！不過．．．冇一樣野吸引到我！之後我地就繼續行喇！成個秋葉原我都真係一個收穫都冇，唯一開心既就係幫芝搵到個ＥＥＹＯＲＥ〔送俾芝係因為尋日已經差不多用哂Ｄ　ＹＥＮ，竟然要問人借呢．．．多謝芝既出手幫助！〕

之後我地連Ｄ電腦既鋪頭都有行，亞浩話日本人都傻既，一條好平既線賣到好鬼貴．．．我就答佢”咁你應該搬黎東京住，之後開間鋪，賺死！”

行完後我地決定番池袋食扒，本身諗住係秋葉原食，但係覺得我地食既呢間我尋日明明係池袋見過！
番到黎池袋，我記得係ＡＤＩＤＡＳ隔離咋嘛！呵　～～　我既記性唔錯呢！入到去都係買飛仔架！

我就決定食呢個降霜牛肉！仲配一碗大飯呢．．．嘩　～～　好好味呀！牛肉味好重呀〔大家唔好覺得奇怪，因為．．．香港既牛扒通常都被拿到冇哂味！〕生熟度仲可以自己控制！好好玩呢　～～　我呢個價值９８０ＹＥＮ！
而亞浩呢個係牛柳粒，當然都係配一碗大飯啦！我地叫左呢２個餐，送左２張下次再黎食既話就送飲品既ＣＯＵＰＯＮ俾我地！但係．．．我地又點會咁快又黎！之後我地決定不如送俾坐隔離既哥哥仔啦！哥哥仔一收到好驚．．．哈哈哈！都正常既！之後我地又用我地既身體語言話佢知送俾佢，之後可能佢知我地係外地人，佢就接受左我地既好意喇！哈哈哈！嚇親人真係唔好意思！

今晚既晚飯好滿意！正！
我地番到去酒店，我打俾佢地睇下大家有冇事！之後就傾聽日咩決定喇，最後佢地都係自己行動，都係去涉谷！哈哈哈！都係今日出血唔夠啦睇黎！

因為今日要買哂我地想買既野，今朝問芝借既２萬ＹＥＮ可以還１萬呢！唔錯　～～　之後過左佢地房傾左陣，分埋Ｄ用淨既錢留我同亞浩聽日用！就番過去執野喇！聽日就最後一日喇！真係好唔捨得呢．．．

我要檢舉
台長： 夜貓貓
人氣(128) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 2007年東京之旅 |
此分類下一篇:２４／０４　池袋最後一日
此分類上一篇:２３／０４　築地．台場．上野．池袋　之旅　～　２

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文