24h購物| | PChome| 登入
2005-07-02 17:35:33| 人氣38| 回應0 | 上一篇 | 下一篇

１／７　回歸日．．．但係全日都係不開心日

推薦 0 收藏 0 轉貼0 訂閱站台

今日諗住同亞浩去睇完頭文字先去ｂｂｑ，因為尋晚麗娟話今日落雨既話佢地要考慮一下睇下去唔去，所以我先有咁既ｐｌａｎ。就算佢地唔去我都諗住兩條友照入去燒！呵呵～～

點知今日約左佢地１點就開始入去龍鼓灘ｂｂｑ，入去前我地上左商場還左書先去！點知還完書我經過我老豆做果間鋪頭，突然有人叫”胡小姐”，我正諗緊係咪叫我之際我都有回頭望左一望！原來係鋪頭既老闆娘！

佢同我講”你老豆冇野呀嘛？？請咁多日假！好ｄ未呀？”佢講完我個頭出現好多問號！因為我真係乜都唔知！我同佢講”佢咩事呀？佢都唔番我屋企訓，我唔知喎！”，佢就話”佢病喎，乜唔打俾你既咩？”，當時我覺得都幾尷尬，完全唔知俾咩反應佢好！咁我就梗係問佢發生咩事啦，佢竟然又答我”下．．．你唔知我冇理由話你知架，你自己問佢啦！”。佢講完呢句野我仲擔心！雖然話佢同亞媽依家攪到離婚，但係佢都係我老豆！

咁我一路行一路打俾我老豆，原來．．．我老豆話有腦水腫加輕微中風，果一刻令到我心情ｓｕｐｅｒ底落！冇諗過呢ｄ事會發生，亦冇諗過係呢個ＭＯＭＥＮＴ！佢講完我Ｄ眼淚已經不停咁流　＞＾＜，我叫佢番黎香港醫，佢又話O係大陸醫就可以，仲話自己已經好好多！唉．．．我都唔知點做好！個腦不停咁諗野！Ｔ．Ｔ

之後梗係都係有入去ＢＢＱ啦，冇理由唔理自己班ＦＤ既！

入到去個心情都唔知用咩黎形容，好似個身唔係自己咁！但係個腦不停咁諗野，一直到同亞浩傾左一陣，又流料　Ｙ．Ｙ　！

我地都叫好早出番黎，１１點幾就已經O係屋企，但係我諗緊係咪應該話俾我亞媽知呢？！算喇！唔好諗咁多，聽日仲要一早上廠架！

我要檢舉
台長： 夜貓貓
人氣(38) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文