Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

２８／６　第一日

今日同ｔｅｒｒｙ＆老闆一齊上左大陸廠，上到去諗住睇自己ｄ貨．．．點知一批都冇得睇！好慘！

老闆同我講：聽日要再上黎再睇！〔聽到呢句說話，只有兩個字o係個腦道：想死！因為星期四同個客又要再上黎]

２９／６　第二日

因為尋日”林”落香港既時候，我地個ｓｈｉｐｐｉｎｇ哥哥話要查証，香港基地要齊人，所以今日我地番左香港廠先等海關查完再上去！

點知．．．個死人海關成４點半先到，攪到我咁鬼晏都上唔到去！老闆就話今日無論如何都要上去，因為驚聽日個ＱＣ　ＲＥＪＥＣＴ　哂Ｄ貨，所以．．．就要上喇！但因為我尋日都已經冇番屋企，今日點都要番一番黎，所以就約老闆仔夜晚上！約左佢\９點半O係落馬洲等，就一齊上去喇！

嘩．．．等左好Ｑ耐都冇車，好鬼驚會遲到，好在突然有架的士話１６蚊去落馬洲，見車上已經有２個人，又見冇車梗係即刻上車啦！點知．．．佢\去到市中心都冇唔夠客，又係遊哂成個屯門，真係激死人！佢\不停咁用個咪同另一Ｄ司機講話想搵多一個老細都咁難！當呢個時候，我諗住等佢\收口我就同佢\”不如我俾多１６蚊，你快Ｄ去落馬洲啦！”正當我想出聲既時候，佢\．．．竟然搵到２個人去上水，個司機就話得架喇，上車啦！心諗是Ｑ但啦，你快Ｄ開到車去落馬洲就ＯＫ！途中竟然見到老闆架車喎，我架的士仲開得快過佢\添，呵呵！應該順利可以快過老闆到！ＹＥＡＨ　～～

去到落馬洲等左一陣就見到老闆仔喇，Ｅ．．．點解唔見左老闆既，闆仔話佢\冇心情上，叫佢\安排我就可以喇！唉．．．睇貨．．．我都未試過，點做ＱＣ，開始有Ｄ擔心！

上到去實在太大雨喇，好驚呀！終於有驚冇險到廠喇！去到已經１１點喇，個廠Ｄ人都走得７７８８！好在仲有夢茹可以幫下我，上到房有幾批要度尺寸，同睇下有冇印花出現問題！有一個大陸同事幫我，叫　ＥＣＨＯ〔我諗係咁串掛！〕嘩．．．呢條友真係一Ｄ都幫唔到手，佢\度左成日竟然５款野都度唔到出黎，我上到去仲度得快過佢\，真係．．．慘！呢個ＭＯＭＥＮＴ個腦得一個字：訓！

咁夜梗係叫廠長安排左我間房先啦，老闆之前同我講話有套房，好方便！我一心以係啦，點知．．．個廠長竟然叫我同人一間房，雖然一日半日都ＯＫ既！不過．．．一Ｄ心理準備都冇囉！其實同呢個人一間房都ＯＫ啦，都係香港人黎！

高姑娘初時話等埋我先番房，因為我未去過！點知可能見等得我太耐，而佢\既野又做哂，所以佢\就話佢\上去沖涼先，咁我等陣一番去就可以沖涼訓覺！都好既，依家咁眼訓！我就加快我既手腳，貼哂貼紙寫哂野交代埋就番去訓，嘩．．．咁晏架喇！２點半．．．

３０／６　第３日喇！

嘩．．．好長氣呀！成晚都冇覺好訓，不停咁同你講野，真係好後悔，應該堅持同陳生話自己一間房！仲要係因為個同事請假我先同高姑娘一間房訓請假同事張床！唔知係咪因為生保床既關係，我．．．訓得唔係咁好！而佢\地Ｄ香港人又７點就開始有聲，令到我醒左！真係好痛苦！

今日ＱＣ得都好順利，５點離開廠番香港廠！嘩．．．成個人都好累呀！

ＰＳ：張相就係我當日訓既地方喇，原來佢\地都幾慘，訓既地方會漏水架！