各位！天真可愛嘅小寶寶又返黎喇~ （唔准作嘔呀！./.）我知道大家都好擔心小寶寶，雖然事情永遠都無解決，但小寶寶嘅心情總會好過來！ ^o^ 放心喎~ 我絕對唔係個d消極同自尋短見嘅蠢人！「人總會有軟弱的時候，但一定會再堅強過來！」
今日母親節，小寶寶跟Ken約媽午餐。原本打算飲茶，不過............要等四百個位！！於是响分道揚標之下，我地食左和民！Ken去左如廁嘅時候，媽又問我會唔會搬返去住。小寶寶支吾以對.......媽又問如果我搬出黎，Ken會唔會同小寶寶一齊住，佢話咁樣負擔無咁重，其實之前都有好多人問過小寶寶係咪會同KenKen一齊住。老實講，唔關負擔事（因為我覺得呢d野應該half/half），小寶寶的確好想可以同KenKen一齊住，可以見多d嘛~ 而小寶寶之前都試過忍唔住開口問，不過，Ken話暫時都唔會.......其實當時小寶寶好失望，不過我知道我唔可以逼你，而且呢樣都算大事，小寶寶亦知道你有你嘅原因。
小寶寶只係對住媽幾小時嘅下午，已經覺得好辛苦！我真係唔可以長時間對住佢。
夜晚因為要比面所以聽左某人嘅傳銷.......唔知點講，雖然唔洗比錢、無風險，最多就係賺唔到錢，如果賺到就每個月有幾萬不等，但小寶寶就係唔喜歡囉~~ 小寶寶不嬲都喜歡安穩生活，就算明知有錢賺，我都唔鍾意投資、做生意......
就等於小寶寶點解唔太喜歡KenKen到佢二家姐公司做，雖然每個月可以有萬幾，什至幾萬蚊收入，但係就無一個穩定數，我寧願每個月得八千、一萬，但係我起碼知道每個月一定有呢筆數，你可以話小寶寶蠢，但亦可以話我唔貪錢.......因為咁樣我嘅安全感會大好多！
小寶寶有感~
今日聽某人講野，知道佢真係好掂！好有confident！原因係有d唔開心野令佢自强起黎。咁樣本來係好事，但小寶寶覺得實在唔可以太過火，其實睇唔睇得起自己唔係人地話，而係你自己點睇自己。小寶寶屋企都有d類似某人嘅背景，當然無咁嚴重，小寶寶感受嘅都無佢咁深，但小寶寶覺得實在唔需要太理會d無聊人點睇，就算我屋企窮，但我都有尊嚴同骨氣就得啦~ 某人係現階段黎講，所有投資都係成功嘅，但就係太成功，又令佢失去左一d野，小寶寶覺得某人嘅內心未必好快樂......
文章定位：
