「墾丁之旅」終於完滿結束，好唔捨得那令人完全忘卻煩惱的地方、好唔捨得回港那晚跟好朋友們分手的一剎........
雖然墾丁有點像香港的大嶼山、長洲、赤柱.......但環境實在優雅得很！居住的石牛溪農場，可以餵羊、踏單車（可憐蠢蠢嘅小寶寶還沒有在那裡學懂 >.< 但我真係有努力嘗試架！！）、有可愛嘅兔子周圍跑......我地住嘅木屋雖然簡單，但這是小寶寶喜歡的類型！有一晚我地仲响屋外放煙花呢！！好靚架~~ *o* （小寶寶對上一次玩煙花已經.....um..最少都十五年前！）
有一日我地分別去左南灣同佳樂水。响南灣.....好激呀！因為唔識游水嘅小寶寶坐住水上電單車出到水深200米嘅大海！！仲睇埋珊瑚tim！响海上片黎片去，小寶寶驚到咿嘩鬼叫~~ 嘻 連起初話唔玩嘅BerBer最後到成功被引誘，獻出第一次！跟住响岸邊玩‘衝浪’，d浪好勁架，兜頭倒落黎！背住個海，唔知d浪幾時到，好刺激！ ^o^
下午去佳樂水，因為阿子要學真正嘅衝浪！踩住塊板個d呢~~~ 本來我地其他人諗住再玩水，但係佳樂水實在太太太大浪喇！我地唯有睇阿子玩。妳好叻呀！叻過d男仔好多！以妳為傲~ ^.<
另外我地都有玩片石！小寶寶好勁，一學識就片到三下！（雖然只有三次 :P）仲有風吹沙.......大家比多d想像力啦~~身處一個超大風嘅沙灘會係點~~ -_-"
沙灘日玩到大家都筋皮力盡.......最慘就係美美被曬傷了！很嚴重呢！ >.< 呼呼（美美的男朋友）替她擦藥膏時痛得她......好可憐呀！好彩！KenKen介紹左隻香港有得買嘅藥膏比佢，美美回港擦左兩次已經好好多喇~ 由超勁痛變成小痛~ ^.^ 哈~ 阿Ken問妳點報答佢喎 :P
呢幾日吃的都很好！特別喜歡迪迪小吃的泰國野，好回味呀))))))))))))))) 仲有高級平價意大利菜同好多街邊小吃！好多款式嘅飲品！什至杯麵我地都無放過！（又係一班蝗蟲！）
呢幾日我地行左好多好多路呀！因為我地都無車牌，又有人唔識踩單車 :P，所以都靠步行！第一日就有d攰啦，不過之後d筋骨都比我地行鬆哂lu~
由高雄機場坐沿海線巴士到墾丁約兩個鐘，雖然中途大家訓到死豬咁，但間中醒下見到個大海，好靚架！個海分三種顏色，相信係因為水深嘅原因，最遠處跟天空連成一線，感覺好特別~
仲有呀小寶寶今次又响台灣見到彩虹！對上一次係上年十二月第一次同KenKen去台北旅行見到，而今次就响台南！嘻~ 好有緣~ 不過响香港返而未見過。
今次去台灣用左好少錢咋~ 主要都係用黎食！小寶寶都只係買左幾百蚊港紙嘅野~ 書啦（因為最後個日出返高雄去過誠品書店）、得意嘅貓貓小擺設、一件民族衫、一條民族頸鍊、一隻皮手鈪....全部都係平野~ 不過就實在買唔到手信....因為無特別野 >.<
今次旅行真係好開心呀！最重要係我地終於實現左七年嘅計劃~ ^.^
唔知下次會係幾時呢？希望大家就到請假啦~
文章定位：
