唉.......咁就二十有三喇！
不過.......可能仲讀緊書，所以一d都唔覺得自己老喎~~ :P
踏正十二點，我剛沖完涼，乾乾淨淨的迎接生日 :)
沖完涼，第一時間收到阿Ken嘅電話！
好開心，無諗過阿Ken會咁準時！因為上年......嘻~
講左唔夠三分鐘，Shirley、肥豪、Chris黎到！熄哂燈，攞住個蛋糕入黎，仲唱埋生日歌tim！！好驚喜！好開心！講真，個刻有想喊嘅感覺.......
個蛋糕好好味，而且仲收到幾份Melody禮物！！呀~~~仲有我鍾意食嘅無骨酸辣鳳爪！！
好多謝你地呀！！ (=^.^=)
第二朝要present......本來我之後應該同我嘅組員商量nursing research架，但係阿Ken請左半日假嘛........所以........嘻嘻~~~ 真係有d唔好意思。今晚！今晚我會盡量補番數！
阿Ken嘅禮物........就係相中個d！好cute、好靚，我好鍾意！ ^3^
（隻狗仔會叫架！！）
下午同同學....加阿Ken食完飯，就同阿Ken返左hall一陣，擺低d野，我提意睇戲，而且仲係睇.......‘救命’！
我....最驚睇呢d戲，恐怖嘅、鬼怪嘅我永遠唔會睇，但係呢套，知道故事大綱又有d興趣喎，所以.........
嘩！真係好驚嚇，可能又坐得前.......我真係好驚(無用的小寶寶~ @.@），有兩次，我仲同阿Ken講，我好驚，唔想睇....我想走...... :_(
不過，套戲真係幾好睇，兩個女主角真係做得好好！d表情好真，好入戲！不相伯仲！
唉......呢個生日係好開心，不過自己個肚就好唔爭氣，唔係痾，就係個肚攪住痛.....幾日喇....食得好少，前兩日仲好似飢饉三十咁，齋飲水！最奇怪嘅就係，我竟然一d都唔覺得肚餓！我都唔知點解........
呢幾日都係一日一餐，仲食得好少tim.........
呢個生日唔太特別，不過就好開心！
多謝肥B嘅禮物！向左走向右走......I love it!你係第一個送！
Shirley、肥豪、Chris嘅禮物同蛋糕，好好好開心！
免皮蟲嘅...........‘花’，嘻~ 好cute....尤其條豬尾！ ^.^
阿Ken嘅禮物！！無法形容！ ^3^ ^3^ ^3^
仲有仲有好多嘅ICQ、SMS同電話祝賀！！
Thanks so much to YOU all！！
文章定位：
