阿Ken九日嘅假期終於完喇.........mm..........真係唔捨得 >.<
呢幾日做左d咩？ 嘻嘻~~~~
四月四日 星期日
同阿Ken、Shirley、肥豪去銅鑼灣唱K，由兩點幾唱到七點！
跟住同阿Ken逛左一陣就返黃埔百佳入貨，跟住就返hall lu~~
完左一日，開心！ ^.^
四月五日 星期一
全日都留响hall，食杯麵，夜晚煮烏冬！
雖然無乜特別，但兩個人一齊，夠啦！
四月六日 星期二
呢日要返學、補習，六點先見到面。
本來阿Ken有買一送一coupon諗住睇戲，點知d coupon星期二唔用得，所以cancel左呢個plan。淨係行旺角，dinner食沙爹王~ Yummy~~ ^o^
四月七日 星期三
哈..........妳地估下我去左邊？
去左...........海洋公園呀！話唔去嘅我，終於打贏自己！
嗰日天氣極好！唔太曬、唔太熱，有d風。我地由十點幾玩到差唔多關門嘅六點三！玩左好多野，睇左好多可愛動物！不過........我又覺得佢地好慘，明明屬於大自然，有好大嘅生活空間，但而家又比人困住，比人參觀。 :(
另外，仲有好多戰利品！可愛小海獅、BB熊貓、BB企鵝、小樹熊、同阿Ken一樣樣嘅惺惺 :P
四月八日 星期四
又要上lecture、補習、教琴，夜晚先見。沙田食味千，再出旺角。阿Ken又買波鞋！半年買左四對！不過都係唔同款同減價先買嘅............不過，小寶寶就年幾無買鞋，揀唔岩又怕貴........... 就黎無鞋著喇 =_(
夜晚番hall打麻雀打到五點！
四月九日 星期五
因為打麻雀夜訓，成兩點先起身呀...........五、六點出沙田，食McDonald，行一陣、又要學琴，之後返屋企。
四月十日 星期六
Whole day work 啦...........夜晚出旺角，睇’戀情告急’ ，一般啦，最有意思係嗰句：好嘅女朋友同男朋友永遠都喺人地身邊。
唔明呀？用心咀嚼下啦！
因為有coupon，所以响指定戲院睇...........旺角金聲，超唔掂！d人响度食煙！最憎！有d人仲唔關手提鈴聲，嘈住人睇戲！！ ./. 我一定唔會再去！
四月十一日 星期日
無用小寶寶病喇..........不過唔嚴重。等阿Ken出黎陪小寶寶睇醫生。病真係好，有人會當妳小朋友咁照顧同看待~~~ ^o^
夜晚行左一陣尖沙咀，不過d藥搞到小寶寶好好好眼訓呀，行行下變左浮浮下 @.@
四月十二日 星期一
唱lunch k。之後返hall，小寶寶又比d藥迷暈左，訓左個幾鐘！不過呢一覺訓得真好！雖然阿Ken同Shirley都喺度，但我就訓得好安樂、好靜。反而前晚一個人訓就訓唔到，合埋眼，個腦好嘈、好多人，個腦好亂，好似訓响工廠咁，我都唔知點解會咁............
夜晚同阿Ken响黃埔食，再去紅蘿蔔睇可愛嘅動物，仲幫我d鼠鼠入貨。
唔..........咁就完左九日，聽日阿Ken又開始返工喇，我都要努力讀書！要tests呀！呢九日我淨係睇左nursing research嘅notes..........唔係好明呀！statistic........我都唔識佢嘅 >.<
仲有NT個online quiz！今次有好好好鬼死多呀！睇見都唔想溫。唉.........點先可以吞哂佢地！！
要努力！阿Ken都係！就升你架喇！！ ^.^
P.S. 呢個假期我就過得開心，不過.........我知道我嘅好朋友有唔開心事。希望妳快d無事啦！我知妳好叻嘅！要加油呀！
Hmm........唔知點解有d掛住妳。
文章定位：
