我家大小豬 從前忙忙碌碌，家庭瑣事煩事一堆，現在清清閒閒，變身呀豬媽，無所事事~

42愛的鼓勵 5訂閱站台

“點解Mami你隻手咁大？”

“點解Mami你隻耳咁大？”

“點解Mami日日都要返工？”

點解點解妹妹咁多嘢問？

※※※※※※※※※

臨出門，鞋櫃前，Mami在挑穿什麼鞋子配一身衣飾，妹妹緊跟其後。好了，揀好了，問題隨至。

“Mami，點解你著呢對(鞋)唔著那對(鞋)？”

“唔，因為呢對靚！”

又一天，Mami剛好揀了上次“落選”那對，問題又來了。

“Mami，點解你著呢對，呢對唔靚！”

“唔，今日呢對都靚！”

   ※※※※※※※※※

夏天到，Mami為穿涼鞋塗上甲油(紅色)，即時被妹妹發現，“點解Mami‘咁樣’？”

“因為靚囉！”

因為靚，妹妹扭計要“同Mami一樣咁靚！”

又一天，Mami換了黑色甲油。

妺妹即時兩眼放光“點解Mami要黑色？”

“唔，因為‧‧‧因為Mami穿的鞋是黑色！”(很難跟衫褲鞋襪都愛紅色的妹妹說黑色甲油都靚)

妹妹大抵也不認為黑色甲油靚，所以沒要求“跟Mami一樣！”但就不斷重覆問“點解Mami公司老闆俾你(茶)黑色趾甲油！”

“係呀係呀，Mami公司老闆俾㗎！”

這個黑色趾甲油問題，一問就是兩個星期。每天下班回家換上拖鞋露出趾頭，即時被問點解點解，從天天問發展到後來的一天兩次、三次，甚至四次。

Mami都算比較有耐性，但也敵不過妹妹的“悶功”，乾脆答“點解妹妹你咁多嘢問？”

妹妹，公司老闆才不會管Mami塗什麼顏色的趾甲油啊！