我家大小豬 從前忙忙碌碌，家庭瑣事煩事一堆，現在清清閒閒，變身呀豬媽，無所事事~

42愛的鼓勵 5訂閱站台

毫無疑問偏心妹妹。

她的一言一語總能輕易牽動BabiMami的神經，正因為偏心，總在努力尋找哥哥小時候的趣事樂事，但好可惜，無論幾咁努力也是徒然。

原來工人姨姨一個接一個地替換，換個角度看也不是壞事，與妹妹親近是其一。

 

很想把妹妹觸動BabiMami的說話一一記下，好歹留住點點回憶，也提醒BabiMami要多關心哥哥。

 

妹妹說話多多，“驚喜”浪接浪。自嘆不如年輕人好記性，唯努力重拾生活點滴，想到了再補充。

補充一：

分處兩間房玩QQ視訊對話的妹妹、哥哥與Babi在“閒聊”，妹妹“盲中中”按了個高達公仔傳送，哥哥興奮地問“點解你識？”妹妹答：“係呀，我大個咪識囉！”說時一本正經，完全沒有“扭令”，旁聽的Mami好想笑。

補充二：

臨睡前，Babi幫妹妹脫下外衣，只剩下一件白底，說時遲那時快，妹妹即搶著問，“咁多(除咁多)，有冇搞錯？”

驚訝妹妹的用詞，唔通平日MamiBabi總在說？唯有若無其事當“聽唔到”，更不敢答嘴，心怕妹妹會繼續“有冇搞錯”下去。

補充三：

Babi駕車送Mami上班途中，妹妹突然投訴Babi搞佢。

Mami：吓？

妹妹又再重覆說一次“Babi搞佢”，身旁的Babi即時緊張地問“我幾時搞你？”

兩父女你一言我一語地爭論，到底“整鬼”與“搞”可不可以劃上等號？

哈，又如果同車還有其他人，會唔會因為個“搞”字報警？

補充四：

沖完涼的妹妹扭著幫她刷身及穿衣服的Mami，好嬌嗲地說：“唔，Mami你咁靚女！”

“咁靚女！？”又聽邊個講？

雖然明知妹妹盜聽途說，但Mami決意照單全收，無蝕底！

補充五：

上班途中，Mami問妹妹“Mami靚唔靚？”

妹妹毫不猶疑地答：“靚！”

再問，“咁Babi靚唔靚？”

妹妹：“唔靚！”

Mami：吓？

妹妹：佢係男既，都唔係靚女！