劇幕一 地點：家中
妹妹：「媽媽，我想轉校呀！我唔要讀喇叭中學啦！」
媽媽：「點解呀？係咪參加太極班耍太極耍到傻左呀妳？唔好以為升到中六好叻呀！家陣削資呀！遲ｄ大學０的學費阿媽仲有排供呀！屋企財赤緊你仲玩轉校？」
妹妹：「唔係呀！我見到有個同學仔被人圍毆呀！招招拳霸咁既款呀！真人上陣架！就好似咁……（打架聲）冇替身架！」
哥哥：我番黎喇！
妹妹：阿哥，你條腿……搞咩黎呀？
哥哥：唉，唔好提喇……傷心事０黎既，俾人整０親０下咁姐，呢d野小意思啦！我地樂樂堂成日都有師生友誼賽架啦！近排報紙先０岩０岩幫我地做完宣傳。我ｏ係學校做head prefect0個陣，成日都見到種情況架喇，佢地只不過係搞下師生聯誼活動姐，間中都有架喇！
妹妹：咁暴力既環境之下邊有心機讀書呀！
哥哥：冇野既，信我喇！有阿哥保護你，唔駛驚既……唉，唔講咁多住喇，我入房搽下藥油先……
妹妹：唔制呀！阿媽，妳係家長黎架嘛！平時學校叫我地揹多兩本書返學你都幫我地爭取幾個Locker啦！今次妳一定要幫我向學校反映呀！
媽媽：有冇搞錯呀？咁都得既，我一定complain complain complain 死佢呀！拿拿聲行喇！
劇幕二 地點：學校教員室
媽：阿班主任，阿班主任
班：你睇我唔到呀，你睇我唔到呀
媽：阿班主任，你咁樣我點睇你唔到呀……喂，我個囡尋晚同我講話有人係班房到開片喎，你點睇呀？
班：點睇？喂喂，我對眼咁，仲可以點睇呀？
妹：嘩，阿sir，你對眼搞咩黎呀？
媽：咪就係，搽左eye shadow咁，一撻青，一撻紫咁騎呢既？
班：唉，咪頭先果陣囉，上上下堂，唔知邊個失驚冇神用隻糯米雞一野車過黎，０的糯米去晒左眼，件雞就中正右眼，十成係我靚仔得滯喇……真係冇計冇計……
妹：阿sir，你執番你個頭ｏ個塊荷葉先啦！
班：丫！又係喎，唔該唔該！
媽：喂，講番先，你俾人車係你既事，關我咩事呀！但係而家我個囡勁驚喎，驚到今朝請左病假添。０拿！我問你，咁依家可以點先？
班：佢地玩下架者，唔，不如咁啦，我幫你個囡調去A班，果邊少０的人，檯凳都少兩張，玩起上黎都冇咁激嘛。係咪好吸引呢？而且我敢保證，A班包冇糯米雞，佢地淨係食珍珠雞０者……
妹：下！唔制呀！０個班係就係少人０的，但係下下連環拳咁，仲勁過拳霸男主角Tony Jah呀！
班：呀！不過點你都千祈咪亂出聲呀，呢間學校呀，d學生真係無 處不在架……驚唔驚呢？
媽：阿sir……即係呢，你呢０的冇鬼既鬼故，同埋冇笑位既笑話，真係too simple，sometimes naive囉！總之我就唔會就咁算數喇！！
班：唉，不聽我既言，吃雞在眼前呀……
妹：阿媽，唔好理佢喇！我地去搵校長罷喇！
劇幕三 地點：校長室
媽：噫？校長，你張凳咁yeah，有兩個轆既？好似推得添架喎！
校長：唔……其實呢張叫輪椅……
媽：搞咩呀你？喂，唔講你個筆住，我個女話見到有個同學俾人圍住黎打喎。佢話好驚想轉校。於是我同佢班主任講，但班主任竟然同我講，０的學生係玩下姐，唔會有事既，你話係咪咁都得既真係！
校長：得架，真係，佢地都係玩下……唔使咁緊張。
媽：唔係哩！你而家係咪咁講野呀校長！信唔信我去家教會到port你丫?！
校長:理論上係得既……但係……且慢……我相信佢地只係玩得無咁斯文?。呢０的係師生打成一片既現象，好事黎既。阿局長同埋阿羅太都話情況唔嚴重，所以俾學生推落樓梯，都只係對腳有排都唔行得之嘛。幾好呀。
媽：校長你咁樣點得架！
校長：得架，其實咁咪幾好。以後上落唔駛行樓梯，可以坐lift，而且可以成日都坐係度，仲好啦！唔駛成日行黎行去咁辛苦，慳返０的腳骨力。
媽：……
文章定位：
