文通，你文無通＠星光.月光.日頭光｜PChome Online 個人新聞台

2003-02-17 12:53:10| 人氣297| 回應0 | 上一篇 | 下一篇

文通，你文無通

推薦 0 收藏 0 轉貼0 訂閱站台

讀國校a 開始，規定愛講「國語」，若無，愛罰錢抑是拍手蹄a ，m 知你 kam 會記得hia e 過去？
Hit chun，我是1e 真乖e 學生，老師按怎講，阮按怎做，ti 學校攏真細膩，m 敢加講話，驚無張持台語ui 嘴ni 走出來,會 hong 處罰，出校門toh 自由自在講台語，na 電火柱a e 厝鳥a 啾啾叫，講 be soah 。
當時，有1e 仝班e 查埔 gin-a ，伊e 名叫文通，生作矮矮a ，瘦擱薄板，tiaN tiaN 流2條鼻，1寡卡皮e 查埔 gin-a 攏會欺負伊，ka 創治伊當作趣味。
文通常在乎 hia e 無聊e 查埔 gin- a 弄kah 起性地，m 知是伊天生愛和平，無beh kap 人冤家，抑是明知影拍 be 贏人，擱無in e 法度，逐擺攏哭去投老師，「老師！他給我打！」文通哭kah 淒慘落魄，na 哭 na 講，希望得著老師 e 同情。結果，不但無得著老師關愛 e 眼神，顛倒乎老師罵，「文通！你文不通！要說他打我！」。
老師關心e 是文通 e 「國語」，m 是文通e 遭遇，老師講 hong 欺負無要緊，「國語」講無好chiah 食力，顛倒 gia 掃梳 gim ka 文通sut 3下。
我看著迄 tin 可惡 e gin-a teh 偷笑，尾 a 下課，in 擱罵文通「應該！死好」，toh 按呢，in 繼續食文通夠夠，文通 m 知影是白目，抑是固執 be 變竅，仝款投老師，結局免想嘛知，仝款掃梳 gim sut 3下。
歸學期，我攏想beh ka 老師講文通真可憐，請老師替伊主持公道，逐擺聽老師拍文通了，訓勉大家 m通像文通文 be 通e 話，我toh na 卒仔，一直夠學期尾。

我要檢舉

台長： A-chiak