今日，我終於稍微知道「張曾黃」的微妙關係啦！原來個黃係指黃文輝，開頭仲諗緊係黃廣昌定係黃文輝，而家終於知道了．其實弟兄的兄弟都是我的兄弟，我好羨慕你們有一切美好的回憶，呢ｄ其實都係成長過程中的片段，一切盡在不言中．係呀！感謝主！因為呢位親愛的弟兄今天回來聚會，真係好願意弟兄可以專心來跟從主．求主幫助佢！
訊息聚會黃永祥先生的訊息，講以撒，神所揀選「亞伯拉罕、以撒、雅各、約瑟」呢四個人就好似４Ｘ１００接力咁，神在每一個人身上所顯明都有神同在的明證，各人都有各人的特色，雖然以撒在聖經的篇幅比起其他三個人效少，但神都願意我們從以撒身上學習到一些屬靈的功課，人生的特點：是無定向的，不能掌握明天，在創世紀２６章度，以撒所擁有的地、收成百倍，是因耶和華的賜福．他在非利士人面前沒有爭鬥，選擇順服，以撒就離開那地，去到另一個地方，以撒望見個閉塞左既井，就挖！三次挖井，直到別人不為這井爭競了．以撒就是在困境裡顯出不與人爭競的生命，他只在乎是耶和華所賜的，而且不會坐以待斃，我們不要單求得供應，「無井」就無供應，「無井」就掘囉．以撒一生中，沒有明顯的大神蹟奇事，但仍讓人看到神與他同在．這是見證！如果問我今個星期的見證是怎樣呀？我都可能答無．但其實「見證」係見到神的作為而述說出來，並不是一定要一些轟轟烈烈的經歷！
呀！我見到偉文弟兄聚會完後去挖井，借左本「新約輔導」，作了榜樣！追求認識主是好的，是神所喜悅的！弟兄呀！挖倒有水唔該分d比我呀！同樣地，我都會分比你！
另一位親愛的弟兄呀！打黎搵我唔洗唔好意思既，你起碼講左三幾次，其實我唔覺得呀，不用太客氣囉．我樂意講電話架．要愛你的弟兄，主咁講，我咁做．預告一下，由七月二十七日，一連兩至三個星期內，因我爸媽去美國探親，我會可以隨意活動一下，就算隨時出黎飲野傾計都冇問題，其實之前平時都冇問題，不過佢地唔系屋企，就算我唔系度，佢地都會冇咁擔心．不過，裡面有幾日我地都會去夏令會，到時，屋企就成為細佬的天下了！唉～其實我真係咩都幫唔到手，我呢d旁觀者講到好似好清楚，講左d風涼話，其實咩都唔明白，言語間你透露左「應該要放棄」．．．
好多人都會覺得「時間」可以改變一切，好似話等到我有所改變先信主，但「時間」真的能夠叫一些事情改變麼？咁咩野先可以叫人有改變呢？
近來自己的靈性，都算隱定，在靈修、禱告、個人與主相交，感到好似去到一個從未到過的地步（覺得自己好像身處大數一樣），維持左一段幾長的時間，是主的工作！感謝主！願主繼續維持，繼續帶領，繼續ＧＯ！ＧＯ！ＧＯ！主有主的時候，知道始終都有出大數的一天！到那日就要啟程出發．．．去主要我去的地方。。。
文章定位：
