2006.01.30 (星期一) 初二的早上，約好關志雄弟兄8:15am在樓下巴士站等就一齊出發，好快到了荃灣就吃過早餐、買點糧水就往原定的地點等候出發，我們一行三十五人，浩浩盪盪去搭bus上山，機乎包晒成架車。那日的天氣都好好，行程四個幾鐘，都唔係好多蚊。有的人帶領前行；有的人殿後；有的人沿途欣賞景色；有的人同行傾傾東傾傾西；有的人拍照留念。連我未曾親眼看見的牛牛都呈現眼前，但地上多了不少「地雷」，叫人不得不加緊防範，以免中招。不過，全程都有一些機會真正談到屬靈的事，就是與燦明同行，加埋彥俊在十多分鐘的路程，這是由燦明弟兄發動的，他首先問我：「系你信主至而家，就個人而言，你覺得做基督徒有沒有難處？你覺得點樣呀？」我回答：「都係果個“已”囉，主要不斷係咁拆呀拆呀，主都系自己身上不斷有這個未完的工作！若自己“真知道”主這樣作，最終都是為了磨練我們、使我們得益！…我們真係需要有呢個真知道。」有自已的意思就唔能夠成就神的旨意，要成就神的旨意就應該有自己的意思。而燦明弟兄都一同認為呢個“己”係好需要被主對付，跟住彥俊弟兄在前面聽到我們談到這些屬靈的事，都主動加入聽埋一份，我地都叫佢來交通分享一下佢的感受。雖然我唔太記得佢講過ｄ咩野，佢又分享…進丁之前都同佢交通過，基礎必需要打得好，彥俊話好似兩幢根基咁，其中一幢唔經得風吹雨打．．．，不過當時我感覺既然弟兄都能夠講得出，我相信主亦都比弟兄有充足的信心和足夠的恩典來活出。那十幾分鐘都係全程值得一記的時間，因為我特別喜歡多與大家交通一切屬靈的事。
我們大約三時半行完，乘巴士回到元朗，再轉搭輕鐵到天水圍，就是巫弟兄屋企探望他，那屋苑名字我又忘記了！哈哈！我地都有二十個人左右先上他的家，另外由康弟兄、燦明、國泰就幫手買Ｐｉｚｚａ外賣＋生果＆飲品，我地太多人，冇辦法有些人都要坐系地下，入到巫弟兄屋內，第一眼、第一個感覺令我非常十分感興趣的就是他在廳的那開放式的書櫃，上面擺滿許許多多屬靈的書籍，想到巫弟兄信主多年梗係有唔少屬靈的書既，聽到巫弟兄原來在１９９１年受浸既，哦！距離而家都有１５年囉！而比起我受浸都有１３年！我都稍微體會到巫弟兄一個人住沒有人照應，實在都有些不便，但另一面又好，就係冇人阻你讀書同埋讀聖經，可以有安寧的環境與主相交都係一件美好的事。之後我地開餐後，五點幾我地就差不多要走了。各自乘車回家，大家都在車上ＺＺＺｚｚｚ．．．我都有份！
感謝主賞賜今天在主的同在下，可以讓我們一眾肢體有相交的時候。實是難得！難得！
鳴謝這張相片是由彥俊弟兄提供！我不敢說一句：「嘩！主為我們預備“何等的迦南地”，好美呀！」
文章定位：
